مرکزی وزیر داخلہ امت شاہ نے جمعہ کو دہلی میں آندھرا پردیش کے وزیر اعلی این چندرابابو نائیڈو کے ساتھ ریاست میں تین نئے فوجداری قوانین کے نفاذ پر تبادلہ خیال کرنے کے لئے ایک اعلی سطحی جائزہ میٹنگ کی صدارت کی۔ میٹنگ کے بعد وزیر اعلیٰ نائیڈو نے سوشل میڈیا پلیٹ فارم ’ایکس‘ پر ایک پوسٹ میں لکھا ’’آج دہلی میں عزت مآب مرکزی وزیر برائے امور داخلہ و امور تعاون امت شاہ کی صدارت میں ایک جائزہ میٹنگ میں شرکت کی جس میں تین نئے فوجداری قوانین کے نفاذ پر تبادلہ خیال کیا۔‘‘
Participated in a review meeting chaired by the Hon’ble Union Home Minister & Minister of Cooperation, Shri @AmitShah Ji, in Delhi today to discuss the implementation of the three new criminal laws. pic.twitter.com/Y3H73QnPOs
— N Chandrababu Naidu (@ncbn) May 23, 2025
واضح رہے کہ چندرا بابو نائیڈو دہلی کے دو روزہ دورے پر ہیں اور آندھرا پردیش میں کئی جاری اور مجوزہ پروجیکٹوں کی بروقت تکمیل کے لیے مرکز کی حمایت حاصل کرنے کے مقصد سے مرکزی وزراء کے ساتھ میٹنگ کر رہے ہیں۔ وہ 24 مئی کو نیتی آیوگ گورننگ کونسل کی میٹنگ میں بھی شرکت کرنے والے ہیں، جس نے متعدد وزرائے اعلیٰ کو قومی دارالحکومت کی طرف راغب کیا ہے۔
سی کے نائیڈو نے اور بھی مرکزی وزرا سے کی ملاقات
اس سے پہلے دن میں نائیڈو نے مرکزی جل شکتی وزیر سی آر پاٹل سے ملاقات کی اور پولاورم بنکاچرلا لنک پروجیکٹ کے لیے ایک تجویز پیش کی۔ وزیر دفاع راج ناتھ سنگھ کے ساتھ ایک الگ ملاقات میں انھوں نے ریاست کو دفاعی مینوفیکچرنگ اور ایرو اسپیس اختراعات کے لیے ایک قومی مرکز کے طور پر پوزیشن دینے کے لیے اسٹریٹجک وژن پیش کیا۔
وزیر اعلیٰ نے پولاورم بنکاچرلا پروجیکٹ پر مرکزی وزیر خزانہ نرملا سیتا رمن کے ساتھ بھی تبادلہ خیال کیا۔ اس پروجیکٹ کا مقصد تین حصوں پر مشتمل پانی کی منتقلی کے نظام کے ذریعے اضافی گوداوری کے سیلابی پانی کو آندھرا پردیش کے خشک سالی سے متاثرہ علاقوں کی طرف موڑنا ہے۔
امت شاہ کے ساتھ میٹنگ میں موضوع گفتگو رہے تین نئے فوجداری قوانین – بھارتیہ نیائے سنہتا، بھارتی شہری تحفظ سنہتا، اور بھارتیہ سکشیہ ادھی نیم کو وزیر اعظم مود کے اس وژن کے ساتھ نافذ کیا گیا ہے کہ یہ نوآبادیاتی دور کے قوانین کی جگہ لیں گے اور سزا سے انصاف کی طرف توجہ مرکوز کرتے ہوئے عدالتی نظام کی اصلاح کریں گے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
