سماجوادی پارٹی ایم ایل اے زاہد بیگ کی ضمانت عرضی پر آج سماعت
بھدوہی: بھدوہی کے ایس پی ایم ایل اے زاہد بیگ کے گھر میں ملی نابالغ ملازمہ کے معاملے میں آج ان کی ضمانت عرضی پر سماعت ہوگی۔ الہ آباد ہائی کورٹ میں جسٹس سمیر جین کی سنگل بنچ اس عرضی پر سماعت کر رہی ہے۔ زاہد بیگ اس وقت جیل میں بند ہیں۔ ایس پی ایم ایل اے نے الہ آباد ہائی کورٹ میں ضمانت عرضی دائر کی ہے۔ اس معاملے میں سماعت کے دوران سرکاری وکیل نے درخواست گزار کی پوری مجرمانہ تاریخ کو ظاہر کرنے کے لیے جوابی حلف نامہ داخل کرنے کے لیے ایک ہفتے کا وقت مانگا تھا۔
نابالغ ملازمہ کیس میں ضمانت عرضی پر سماعت
بھدوہی تھانہ علاقے میں ایس پی ایم ایل اے زاہد بیگ کے خلاف 13 ستمبر 2024 کو ایف آئی آر درج کی گئی تھی۔ اس ایف آئی آر میں الزام لگایا گیا تھا کہ 9 ستمبر 2024 کو ایم ایل اے کے گھر کے ایک بند کمرے میں ایک نابالغ لڑکی کی لاش مشتبہ طور پر ملی تھی۔ لڑکی کی موت ایک روز قبل ہوئی تھی۔
جب معاملے کی جانچ کی گئی تو یہ بات سامنے آئی کہ ایک اور نابالغ لڑکی ایم ایل اے کے گھر میں گھریلو ملازمہ کے طور پر کام کرتی تھی۔ جس کے بعد پولیس نے نابالغ لڑکی کو اس کے گھر سے آزاد کرایا تھا۔ اس معاملے میں ایس پی ایم ایل اے زاہد بیگ جیل میں بند ہیں۔
ایس پی ایم ایل اے نے اس معاملے میں ضمانت کے لیے الہ آباد ہائی کورٹ میں عرضی دائر کی ہے۔ یہ معاملہ سامنے آنے کے بعد بھدوہی سمیت پوری ریاست میں ہلچل مچ گئی۔ اس واقعہ پر کئی سوالات بھی اٹھنے لگے تھے۔
بتادیں کہ زاہد بیگ اس سے قبل ملازمہ نازیہ کی خودکشی کیس میں ہائی کورٹ سے ضمانت حاصل کر چکے ہیں۔ مہلوک کے اہل خانہ نے ایس پی ایم ایل اے پر کوئی الزام نہیں لگایا۔ عدالت میں اس طرح کا کوئی ثبوت پیش نہیں کیا گیا، جس میں اسے خودکشی پر اکسانے کی بات ہو۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
