وزیر اعظم نریندر مودی نے منگل کو کہا کہ سیرو مالابار چرچ لیڈران کے ساتھ ان کی حیرت انگیز ملاقات ہوئی۔ وزیر اعظم نے وفد سے ملاقات کے دوران کہا کہ وہ ہمیشہ خدمت کے لیے تیار ہیں۔ انہوں نے اس ملاقات کو خوشگوار اور تعمیری قرار دیا۔ ملاقات کے بعد وزیر اعظم نریندر مودی نے سوشل میڈیا پلیٹ فارم ایکس پر لکھا کہ سیرو مالابار چرچ کے سربراہ میجر آرک بشپ مار رافیل تھاٹیل، آرک بشپ ڈاکٹر کوریاکوس بھرانیکلنگرا اور دیگر سینئر چرچ لیڈروں کے ساتھ ان کی ایک شاندار گفتگو ہوئی۔ اس ملاقات میں بی جے پی کی کیرالہ یونٹ کے صدر راجیو چندر شیکھر بھی موجود تھے۔ میجر آرک بشپ تھاٹیل کی قیادت میں وفد میں فریدآباد آرک ڈایوسیس کے آرک بشپ بھرنی کلنگرا اور سیرو مالابار چرچ کی نمائندگی کرنے والے دیگر بشپ شامل تھے۔ سیرو مالابار چرچ کیرالہ کے تین بڑے گرجا گھروں میں سب سے بااثر ہے جو پوپ کے تابع ہیں۔
شمولیت اور مذہبی سرحدوں سے ماورا طرزِ فکر
گفتگو کا محور مسیحی اقلیتوں کی فلاح و بہبود اور بھارت کے سماجی و ترقیاتی ڈھانچے میں ان کے کردار پر تھا۔ کیرالہ بی جے پی کے لیڈر راجیو چندر شیکھر نے بتایا کہ یہ زیادہ تر ایک خیرسگالی ملاقات تھی، جس میں بشپ صاحبان نے اقلیتوں کے حقوق اور سماجی ترقی سے متعلق امور اٹھائے۔ انہوں نے کہا کہ وزیر اعظم نے توجہ سے ان کی بات سنی اور یقین دلایا کہ حکومت ہر مسئلے پر بات چیت کے لیے تیار ہے۔ بی جے پی کا نظریہ شمولیت اور مذہبی سرحدوں سے پرے طرز حکمرانی پر مبنی ہے۔ انہوں نے مزید کہا کہ وزیر اعظم نے وفد کی تمام باتیں پوری توجہ سے سنیں اور یقین دلایا کہ حکومت اقلیتوں کے تمام معاملات پر گفت و شنید کے لیے ہمیشہ تیار رہے گی۔
قانون کی حکمرانی برقرار رہے گی
ریاستی صدر نے کہا کہ ہم چیزوں کو مذہبی عینک سے نہیں دیکھتے۔ ہماری پارٹی تمام ہی لوگوں کی خدمت کرتی ہے اور قانون کی حکمرانی ہمیشہ برقرار رہے گی۔ بی جے پی خدمت کی پارٹی ہے اور ہمیشہ رہے گی۔ بشپ صاحبان نے وزیر اعظم سے پوپ کو بھارت آنے کی دعوت دینے کی بھی درخواست کی۔ ذرائع کے مطابق، وفد نے وزیر اعظم مودی کے یقین دہانیوں کی ستائش کی اور تعلیم، سماجی فلاح و بہبود اور کمیونٹی کی شمولیت جیسے شعبوں میں مسلسل تعاون کی امید ظاہر کی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
