فائل فوٹو۔
حکومت ہند اور پنجاب حکومت نے سول ڈیفنس ایکٹ 1968 کے تحت ضلع گرداس پور میں رات 9:00 بجے سے صبح 5:00 بجے تک مکمل بلیک آؤٹ نافذ کرنے کی ہدایات جاری کی ہیں، جو 8 مئی 2025 سے اگلے احکامات تک نافذ العمل رہیں گی۔ تاہم یہ بلیک آؤٹ کا حکم سینٹرل جیل گرداس پور اور اسپتالوں پر نافذ نہیں ہوگا۔ لیکن گرداس پور جیل اور اسپتالوں کی کھڑکیاں ہر روز رات 9 بجے سے اگلے دن صبح 5 بجے تک بند رہیں گی۔
یہ اقدام پاک بھارت سرحد پر حساس ماحول کے درمیان ہوا ہے اور اس کا مقصد کسی بھی ممکنہ ہنگامی صورت حال سے نمٹنا ہے۔ بیان میں کہا گیا ہے ’’بلیک آؤٹ آرڈر میں سینٹرل جیل گرداسپور اور اسپتالوں کو استثنیٰ دیا گیا ہے۔ تاہم ان اداروں کو مخصوص اوقات کے دوران اپنی کھڑکیوں کو بند اور محفوظ طریقے سے ڈھانپ کر رکھنا چاہیے تاکہ اس بات کو یقینی بنایا جا سکے کہ باہر روشنی نہ جائے۔‘‘
پاکستانی حملے کی کوششوں کو فوج نے بنایا ناکام
واضح رہے کہ بھارت کی طرف سے آپریشن سندور کے تحت پاکستان میں دہشت گردی کے نو مقامات کو تباہ کے جانے کے بعد پاکستان نے 7 مئی کی رات کئی فوجی اہداف کو نشانہ بنانے کی کوشش کی۔ تاہم بھارت نے ان کو انٹیگریٹڈ کاؤنٹر یو اے ایس گرڈ اور ایئر ڈیفنس سسٹم کے ذریعے ناکام بنا دیا۔ ہندوستانی فضائیہ کے S-400 سدرشن چکرا ایئر ڈیفنس میزائل سسٹم کو بدھ کی رات ہندوستان کی طرف بڑھنے والے اہداف کے خلاف فائر کیا گیا۔ متعدد ڈومین ماہرین نے اے این آئی کو بتایا کہ آپریشن میں اہداف کو کامیابی کے ساتھ بے اثر کر دیا گیا۔ جمعرات کی صبح ہندوستانی مسلح افواج نے پاکستان میں کئی مقامات پر ائیر ڈیفنس ریڈارز اور سسٹمز کو بھی نشانہ بنایا۔ ساتھ ہی ہندوستانی فوج جموں و کشمیر میں سرحد پر جاری کشیدگی کا بھی بھرپور جواب دے رہی ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
