نئی دہلی: ملک کوایک نیا چیف آف ڈیفنس اسٹاف (سی ڈی ایس) مل گیا ہے۔ حکومت ہند نے لیفٹیننٹ جنرل این ایس راجہ سبرمنی (ریٹائرڈ) نئے چیف آف ڈیفنس اسٹاف کے طورپرنامزد کیا ہے۔ این ایس راجہ سبرمنی عہدہ سنبھالنے کی تاریخ سے اگلے احکامات تک حکومت ہند کے فوجی امورکے محکمہ کے سکریٹری کے طورپربھی کام کریں گے۔
کون ہیں این ایس راجہ سبرمنی؟
لیفٹیننٹ جنرل این ایس راجہ سبرمنی یکم ستمبر2025 سے قومی سلامتی کونسل سیکریٹریٹ میں ملٹری ایڈوائزررہے ہیں۔ اس سے قبل وہ یکم جولائی 2024 سے 31 جولائی 2025 تک ڈپٹی چیف آف آرمی اسٹاف اورسینٹرل کمانڈ کے جنرل آفیسرکمانڈنگ ان چیف کے طورپر2020 مارچ 2020 تک خدمات انجام دے چکے ہیں۔ قابل ذکر ہے کہ موجودہ سی ڈی ایس جنرل انل چوہان کی میعاد 30 مئی 2026 کوختم ہوگی۔
Government of India appoints Lieutenant General N S Raja Subramani (Retd.) as the new Chief of Defence Staff, who shall also function as Secretary to Government of India, Department of Military Affairs, with effect from the date of assumption of charge and until further orders. pic.twitter.com/hmVqlVY0sn
— ANI (@ANI) May 9, 2026
سی ڈی ایس کا عہدہ کتنا اہم؟
چیف آف ڈیفنس اسٹاف (سی ڈی ایس) کا عہدہ کافی اہمیت رکھتا ہے۔ اس عہدے پرفائزشخص ہندوستان کی تینوں مسلح افواج (فوج، فضائیہ اوربحریہ) کے درمیان بہترتال میل قائم کرنے کی ذمہ داری سنبھالتے ہیں۔ یہ ذمہ داری پہلے جنرل انل چوہان کے پاس تھی، لیکن 30 مئی 2026 کوان کی ریٹائرمنٹ کے بعد لیفٹیننٹ جنرل این ایس راجہ سبرمنی یہ ذمہ داری سنبھالیں گے۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
