Gadar 2: ’’دونوں ملکوں میں اتنی محبت ہے لیکن‘‘،پاکستان اور بھارت کے حوالے سے سنی دیول کے بیان پر صارفین نے دیے حیران کن رد عمل

Gadar 2: سنی دیول کی آنے والی فلم غدر 2 اس وقت سرخیوں میں ہے۔ شائقین بھی اس فلم کا بے صبری سے انتظار کر رہے ہیں۔ سال 2001 میں ریلیز ہوئی، غدر باکس آفس پر سپر ڈوپر ہٹ رہی۔ اس فلم میں اداکار سنی دیول کی اداکاری اور مکالموں نے مداحوں کے دل جیت لیے تھے۔ اب اس کا سیکوئل 11 اگست کو سینما گھروں کی زینت بننے جا رہا ہے، لیکن غدر 2 کی ریلیز سے قبل اور ٹریلر کی ریلیز کے وقت فلم کے اداکار سنی دیول نے ہندوستان اور پاکستان کے بارے میں ایسی بات کہہ دی ہے، جس کی وجہ سے وہ سرخیوں میں آگئے ہیں۔

اداکار سے سیاستداں بنے بی جے پی کے رکن پارلیمنٹ سنی دیول نے اپنی نئی فلم غدر 2 کی تشہیر کے دوران بڑا بیان دیا ہے۔ ان کا کہنا ہے کہ بھارت اور پاکستان کے درمیان نفرت کی ذمہ دار سیاست ہے۔

‘دونوں ممالک میں یکساں محبت’

بھارت اور پاکستان کے حوالے سے سنی دیول کا کہنا تھا کہ دونوں ممالک میں یکساں پیار ہے۔ سیاست کی وجہ سے نفرت پھیلتی ہے، عوام جھگڑا نہیں چاہتی۔ ایک ٹویٹ میں، بی جے پی رکن پارلیمنٹ نے لکھا، “ہندوستان اور پاکستان دونوں طرف یکساں محبت ہے۔ یہ ایک سیاسی کھیل ہے جو ان تمام نفرتوں کو جنم دیتا ہے۔ لوگ جھگڑا نہیں چاہتے۔ آخر یہ سب ایک ہی مٹی کے ہیں۔

یہ بھی پڑھیں- There is love on both sides India and Pakistan: ہندوستان-پاکستان کیلئے پیار چاہتے ہیں ،یہ سیاسی کھیل ہے جونفرتیں پیدا کرتا ہے: سنی دیول

भारत-पाकिस्तान दोनों तरफ़ उतना ही प्यार है। यह सियासी खेल होता है जो ये सब नफ़रतें पैदा करता है। जनता झगड़ा नहीं चाहती है। आख़िर हैं तो सभी एक ही मिट्टी के-
सन्नी देओल,अभिनेता और बीजेपी सांसद pic.twitter.com/y0Qx2Kxl40

— Narendra Nath Mishra (@iamnarendranath) July 26, 2023

لوگوں نے کیا مختلف ردعمل کا اظہار

پاکستان اور بھارت کے حوالے سے سنی دیول کے بیان پر سوشل میڈیا صارفین مختلف ردعمل دے رہے ہیں۔ ایک صارف نے ٹویٹ میں لکھا کہ ’’صحیح کہا کچھ یہاں سے اور کچھ وہاں سے شریف لوگوں میں زہر ملاتے ہیں۔ ہاں پاکستان میں ایسے لوگ زیادہ ہیں اور یہاں کم۔ ساتھ ہی صارف نے لکھا کہ- انہیں بھی لگتا ہے کہ پاکستان بھیجنا پڑے گا۔ اس کے علاوہ صارف نے یہاں تک کہہ دیا کہ آپ کا پنجاب سے ٹکٹ کٹ گیا کیا؟

زبردست ٹریلر جاری

واضح رہے کہ سنی دیول اور امیشا پٹیل کی فلم ‘غدر 2’ کا زوردار ٹریلر 26 جولائی کو ممبئی میں ریلیز ہوا تھا۔ اس ٹریلر کے آغاز میں، تارا سنگھ اپنے بیٹے جیتے اور اپنی بیوی سکینہ کے ساتھ خوشگوار لمحات گزارتے نظر آ رہے ہیں۔ اس کے ساتھ ہی ایک وقت ایسا بھی آتا ہے جب پاکستان کے لوگ تارا سنگھ سے بدلہ لینے کے لیے اس کے بیٹے کو اسیر کر لیتے ہیں۔ اس کے بعد سنی پاکستان جاتے ہیں اور سب سے بدلہ لیتے ہیں۔ غدر 2 11 اگست کو سینما گھروں میں ریلیز کی جائے گی۔

-بھارت ایکسپریس