بہار میں ایس آئی آر کے بعد فائنل ووٹر لسٹ جاری۔
بہار میں خصوصی گہن جانچ (SIR) کے بعد الیکشن کمیشن نے منگل کے روز نئی ووٹر لسٹ جاری کر دی ہے۔ فائنل ووٹر لسٹ کے مطابق اب بہار میں کل 7 کروڑ 41 لاکھ 92 ہزار 357 ووٹر ہو گئے ہیں۔ تازہ اعداد و شمار کے مطابق ڈرافٹ ووٹر لسٹ میں ووٹروں کی تعداد 7,24,05,756 تھی، جو بڑھ کر نئی ووٹر لسٹ میں 7,41,92,357 ہو گئی ہے۔ اس میں 21,53,343 اہل ووٹر کو شامل کیا گیا ہے، جبکہ یکم اگست سے یکم ستمبر 2025 کے درمیان دعویٰ و اعتراض کے دوران 3,66,742 نااہل ووٹرز کو ہٹا دیا گیا ہے۔
اس سے پہلے ایس آئی آر ڈرافٹ میں مردہ ووٹروں کی تعداد 22,34,136 تھی، اس کے علاوہ 6,85,000 دہری اندراج والے ووٹر اور 36,44,939 مستقل طور پر منتقل ہونے والے ووٹر تھے۔ تقریباً 65,64,075 ووٹروں کے نام لسٹ سے ہٹا دیے گئے۔
نئی ووٹر لسٹ کے مطابق تقسیم:
مرد ووٹر: 3,92,07,804
خواتین ووٹر: 3,49,82,828
ٹرانس جینڈر وٹر: 1,725
18 سے 19 سال کے ووٹر: 14,01,150
85 سال سے زیادہ عمر کے ووٹر: 4,03,985
معذور ووٹر: 7,20,709
آپ کو بتاتے چلیں کہ 38 ڈسٹرکٹ الیکشن آفیسرز، 243 الیکٹورل رجسٹریشن آفیسرز، 2976 اسسٹنٹ الیکٹورل رجسٹریشن آفیسرز، 77895 بی ایل اوز اور رضاکاروں نے خصوصی نظر ثانی میں بڑھ چڑھ کر حصہ لیا۔ اس کے علاوہ ریاست کے رائے دہندوں نے بھی بڑھ چڑھ کر حصہ لیا۔
بہار انتخابات کی تاریخوں کا اعلان ہونا ابھی باقی ہے۔ انتخابات نئی ووٹر لسٹ کی بنیاد پر ہوں گے۔ چیف الیکشن کمشنر گیانیش کمار بھی 4-5 اکتوبر کو بہار کا دورہ کر رہے ہیں۔ اس دورے میں وہ انتخابی تیاریوں کا جائزہ لیں گے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
