سماجوادی پارٹی نے فتح پور میں مقبرہ منہدم کئے جانے کے بے حد افسوسناک حادثہ کے بعد پپو سنگھ چوہان کو پارٹی سے باہر کردیا ہے۔ سماجوادی پارٹی کے فتح پورضلع صدرسریندر پرتاپ سنگھ نے پپو سنگھ چوہان کے خلاف یہ کارروائی کی۔ پیر کے روز فتح پور میں کچھ لوگوں نے سیکڑوں سال قدیم نواب عبدالصمد کے مقبرہ کو منہدم کردیا تھا۔ اس شرمناک واقعہ میں پپوسنگھ چوہان بھی شامل تھا۔
سماجوادی پارٹی نے یہ کہہ کرپپو سنگھ چوہان کو معطل کیا ہے کہ وہ پارٹی مخالف سرگرمیوں میں شامل تھا۔ سماجوادی پارٹی کے ضلع صدر سریندر پرتاپ سنگھ نے سماجوادی پارٹی کی اترپردیش یونٹ کے صدر کو ایک خط لکھا، جس میں انہیں پپو سنگھ چوہان کو معطل کرنے کی جانکاری دی۔ سریندر پرتاپ سنگھ نے لکھا، ”پپو سنگھ چوہان کو پارٹی مخالف سرگرمیوں میں شامل ہونے کے سبب پارٹی سے معطل کردیا گیا ہے۔“
زبردستی اندر گھس کرمقبرے کو منہدم کیا گیا
فتح پور پولیس کے مطابق، پیرکے روزکوتوالی نگر پولیس اسٹیشن میں جمع بھیڑزبردستی مزارکے احاطے میں داخل ہوئی۔ ہندو تنظیموں نے مقبرہ پرپوجا اور درشن کے لیے جلوس کا اعلان کرتے ہوئے اسے مندر قراردیا تھا۔ اس دوران بھیڑنے مزارمیں توڑ پھوڑ کی۔ اطلاع ملتے ہی ضلع مجسٹریٹ اورایس پی موقع پرپہنچے، جنہوں نے جانچ کی یقین دہانی کراتے ہوئے بھیڑکومنایا۔ پولیس کا کہنا ہے کہ تحقیقات کی یقین دہانی پر ہجوم مقبرہ سے واپس چلی گئی، لیکن اس دوران شرپسندوں کے ذریعہ مقبرہ کو منہدم کرنے اور اشتعال انگیزی کی ویڈیو سوشل میڈیا پر وائرل ہوگئی۔
پولیس نے درج کیا مقدمہ
بعدازاں فتح پور پولیس نے واقعہ کے حوالے سے 10 نامزد اور 150 نامعلوم شرپسندوں کے خلاف مقدمہ درج کیا۔ ملزمان کی گرفتاری کے لئے ٹیمیں بھی تشکیل دے دی گئیں۔ اس دوران یہ بات سامنے آئی کہ سماج وادی پارٹی کے لیڈرپپوسنگھ چوہان بھی ملزمین میں شامل ہے۔ مبینہ ویڈیو میں پپو سنگھ چوہان کو ان لوگوں کے ساتھ دیکھا گیا، جنہوں نے مقبرہ پرتوڑ پھوڑ کی تھی۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
