مرکزی وزیر اشونی ویشنو نے ہفتہ کو بتایا کہ ہندوستان کی الیکٹرانکس برآمدات 40 بلین امریکی ڈالر سے تجاوز کرگئی ہیں، جو پچھلے 11 سالوں میں آٹھ گنا بڑھی ہے۔ انھوں نے یہ بھی کہا کہ گھریلو الیکٹرانکس کی پیداوار میں چھ گنا اضافہ ہوا ہے۔ آئی آئی ٹی حیدرآباد کے 14ویں کانووکیشن سے خطاب کرتے ہوئے اشونی ویشنو نے ہندوستان کے پہلے بلٹ ٹرین پروجیکٹ کی تیز رفتار پیش رفت پر بھی زور دیا، جس کے اگست یا ستمبر 2027 تک مکمل ہونے کی امید ہے۔
اس دوران اشنوی ویشنو نے یہ بھی بتایا کہ پہلی میڈ ان انڈیا سیمی کنڈکٹر چپ تجارتی پیمانے پر اس سال تیار کر لی جائے گی۔ انھوں نے اس اعتماد کا بھی اظہار کیا کہ ہندوستان آنے والے سالوں میں دنیا کے ٹاپ پانچ سیمی کنڈکٹر ممالک میں سے ایک بننے کے راستے پر گامزن ہے۔
مرکزی وزیر اشونی ویشنو نے کہا کہ ’’صرف 11 سالوں میں ہم نے اپنی الیکٹرانکس کی پیداوار میں چھ گنا اضافہ کیا ہے۔ یہ ایک سی اے جی آر دوہرا ہندسہ ہے جس پر کوئی بھی کارپوریٹ رشک کرے گا۔ ہم نے اپنی برآمدات میں آٹھ گنا اضافہ کیا ہے، الیکٹرانکس مینوفیکچرنگ میں 40 بلین امریکی ڈالر کی برآمدات کو عبور کیا ہے، جو کہ ترقی کی ایک غیر معمولی رفتار ہے اور ایسی ترقی ہمارے سائز کے بہت کم ممالک نے دیکھی ہے۔‘‘
انھوں نے اس ترقی کو وزیر اعظم نریندر مودی کے وژن سے منسوب کیا اور کہا کہ صرف ساڑھے تین سالوں میں ہندوستان ایک مکمل 4G ٹیلی کام اسٹیک ڈیزائن کر سکتا ہے۔ آج یہ تقریباً 90,000 ٹیلی کام ٹاورز پر نصب ہے، جو دنیا کے کئی ممالک کے نیٹ ورک سے بھی زیادہ ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
