دہلی یونیورسٹی طلبہ یونین الیکشن 2023 میں تین سیٹوں پر اے بی وی پی اور ایک سیٹ پر این ایس یو آئی نے جیت حاصل کی ہے۔
DUSU Election Result 2023: دہلی یونیورسٹی طلبہ یونین 2023 کے انتخابات کے نتائج کا اعلان کردیا گیا ہے۔ 4 سال بعد دہلی یونیورسٹی اسٹوڈنٹس یونین کو نیا صدر ملا ہے۔ اکھل بھارتیہ ودیارتھی پریشد (اے بی وی پی) کے امیدواروں نے 3 اہم عہدوں پرکامیابی حاصل کی ہے۔ نتائج کا اعلان شام 5.30 بجے کے قریب کیا گیا۔ اے بی وی پی نے صدر، جنرل سکریٹری اورسکریٹری کےعہدے پرکامیابی حاصل کی ہے، جبکہ نیشنل اسٹوڈنٹس آف انڈیا (این ایس یوآئی) نے نائب صدرکے عہدوں پرکامیابی حاصل کی ہے۔
کون کس عہدے پر جیتا؟
صدر- تشار ڈیڑھا (اے بی وی پی)
نائب صدر- ابھی دہیا (این ایس یو آئی)
جنرل سکریٹری- اپراجکتا (اے بی وی پی)
جوائنٹ سکریٹری- سچن بیسلا (اے بی وی پی)
قابل ذکرہے کہ اس باراکھل بھارتیہ ودیارتھی پریشد (اے بی وی پی)، آل انڈیا اسٹوڈنٹس ایسوسی ایشن (آئیسا)، اسٹوڈنٹس فیڈریشن آف انڈیا (ایس ایف آئی) اورنیشنل اسٹوڈنٹس یونین آف انڈیا (این ایس یوآئی) سمیت مختلف طلبہ یونین گروپس کے کل 24 امیدوارمیدان میں تھے۔ میڈیا رپورٹس کے مطابق، اس الیکشن میں 1 لاکھ 17 ہزارطلبہ نے ووٹ ڈالے تھے۔ مجموعی طورپر42 فیصد ووٹنگ ہوئی تھی۔ ووٹنگ کے لئے کل 52 ووٹنگ مراکزبنائے گئے تھے اور173 ای وی ایم مشینیں لگائی گئی تھیں۔
Breaking | दिल्ली विश्वविद्यालय छात्र संघ चुनाव में अखिल भारतीय विद्यार्थी परिषद की तीन सीटों पर ऐतिहासिक जीत!
अध्यक्ष पद पर तुषार डेढ़ा, सचिव पद पर अपराजिता और सह-सचिव पद पर सचिन बैसला ने प्राप्त की शानदार जीत।#ABVPWinsDUSU #DUSUElection2023 pic.twitter.com/GPI7DHNKAO
— ABVP (@ABVPVoice) September 23, 2023
مرکزی وزیر امت شاہ نے اے بی وی پی کو دی مبارکباد
وزیرداخلہ امت شاہ نے ایکس (ٹوئٹر) اکاؤنٹ پر پوسٹ کرکے لکھا، ”دہلی یونیورسٹی طلبہ یونین کے الیکشن میں کو ملی زبردست جیت پر پریشد کے سبھی کارکنان کو دلی مبارکباد۔ یہ جیت نوجوان نسل کے اس نظریے پربھروسے کی عکاسی کرتی ہے، جو قومی مفاد کواولین ترجیح دیتا ہے۔ مجھے پورا بھروسہ ہے کہ کونسل کے کارکنان سوامی وویکانند کے نظریات اور نوجوانوں میں قوم پرستی کے جذبے کو زندہ رکھنے کے لئے مسلسل پُرعزم طریقے سے کام کرتے رہیں گے۔
दिल्ली विश्वविद्यालय छात्र संघ के चुनाव में @ABVPVoice को मिली प्रचंड जीत पर परिषद् के सभी कार्यकर्ताओं को हार्दिक बधाई।
यह जीत राष्ट्रहित को सर्वप्रथम मानने वाली विचारधारा में युवा पीढ़ी के विश्वास को दर्शाती है। मुझे पूर्ण विश्वास है कि परिषद् के कार्यकर्ता युवाओं में स्वामी…
— Amit Shah (@AmitShah) September 23, 2023
اس سے پہلے کے طلبہ یونین کے انتخابات 2019 میں، اکھل بھارتیہ ودیارتھی پریشد (اے بی وی پی) نے 4 میں سے تین نشستوں پرتاریخی جیت درج کی تھی، جبکہ نیشنل اسٹوڈنٹس آف انڈیا (این ایس یو آئی) نے ایک سیٹ جیتی تھی۔ اے بی وی پی نے صدر، نائب صدراورجوائنٹ سکریٹری کے عہدوں پر کامیابی حاصل کی تھی، جبکہ جنرل سکریٹری کا عہدہ این ایس یو آئی کے پاس رہا۔
قابل ذکرہے کہ اس بارکل 42 فیصد ووٹنگ ہوئی۔ ووٹنگ 2019 میں 39.90 فیصد، 2018 میں 44.46 فیصد اور2017 میں 42.80 فیصد تھی۔ دہلی اسٹوڈنٹس یونین کے انتخابات 2020 اور 2021 میں کورونا کی وجہ سے نہیں ہوئے تھے۔ اس بارکا الیکشن اس لئے بھی اہم ہے کیونکہ لوک سبھا کے انتخابات اگلے سال یعنی 2024 میں ہونے والے ہیں۔
بھارت ایکسپریس۔
