آج امبیڈکر جینتی کے موقع پر کرناٹک پردیش کانگریس کمیٹی (کے پی سی سی) نے آئین کے معمار بابا صاحب ڈاکٹر بی آر امبیڈکر کا 134واں یومِ پیدائش اپنے دفتر بھارت جوڑو بھون میں شاندار طریقے سے منایا۔ اس تقریب میں کے پی سی سی کے صدر اور نائب وزیر اعلیٰ ڈی کے شیو کمار، وزیر اعلیٰ سدّارامیا اور کے پی سی سی کے کارگزار صدر جے سی چندرشیکھر سمیت پارٹی کے اہم سیاسی لیڈران نے شرکت کی، جن میں منجوناتھ بھنڈاری، راجیہ سبھا رکن سید ناصر حسین، آر سدرشن، بی این چندرپا وغیرہ شامل ہیں۔
اس شاندار تقریب کے دوران کے پی سی سی نے کانگریس کے سینئر لیڈر سید ناصر حسین کو آل انڈیا کانگریس کمیٹی (اے آئی سی سی) کا جنرل سکریٹری بنائے جانے پر شال اوڑھا کر اعزاز سے نوازا۔ کے پی سی سی کے تمام رہنماؤں نے پارٹی کے لیے سید ناصر حسین کی خدمات کا اعتراف کرتے ہوئے اس عہدے پر ان کی تقرری کے لیے مبارکباد پیش کی اور خود نائب وزیر اعلیٰ اور کے پی سی سی کے صدر ڈی کے شیوکمار نے شال اوڑھا کر سید ناصر حسین کی عزت افزائی کی۔
ಬಾಬಾ ಸಾಹೇಬ್ ಡಾ. ಬಿ.ಆರ್. ಅಂಬೇಡ್ಕರ್ ಅವರ 134 ನೇ ಜಯಂತಿ ಅಂಗವಾಗಿ ಬೆಂಗಳೂರಿನ ಕೆಪಿಸಿಸಿ ಕಚೇರಿಯ ಭಾರತ್ ಜೋಡೋ ಭವನದಲ್ಲಿ ನಡೆದ ಸಮಾರಂಭದಲ್ಲಿ ಭಾಗಿವಹಿಸಿ ನಂತರ ಮಾಧ್ಯಮ ಮಿತ್ರರ ಜೊತೆ ಮಾತನಾಡಿದೆ#brambedkar #AmbedkarJayanti #babasahebambedkar #drsyednaseerhussain #NasirHussain #nasirhussain pic.twitter.com/osflYjpW3e
— Dr Syed Naseer Hussain,MP Rajya Sabha (@NasirHussainINC) April 14, 2025
واضح رہے کہ سید ناصر حسین کانگریس کے قدآور لیڈر ہیں اور انھیں دوسری مرتبہ راجیہ سبھا رکن بنایا گیا ہے۔ کانگریس پارٹی کے صدر ملکارجن کھڑگے نے 14 فروری کو انھیں آل انڈیا کانگریس کمیٹی کا جنرل سکریٹری بناتے ہوئے جموں و کشمیر اور لداخ کی ذمہ داری سونپی تھی۔ اس موقع پر سید ناصر حسین نے کانگریس ہائی کمان اور کرناٹک پردیش کانگریس کمیٹی کا شکریہ ادا کیا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
