Dr. Rajeshwar Singh to lead ‘Shakti Ka Shankhnaad’ rally: ایک اگست کو نکالی جائے گی ڈاکٹر راجیشور سنگھ کی قیادت میں ’’شکتی کا شنکھ ناد‘‘ ریلی، ’’برقعہ کلچر‘‘ اور شدت پسند سوچ کے خلاف اٹھائی جائے گی آواز

سروجنی نگر سے رکن اسمبلی ڈاکٹر راجیشور سنگھ کی قیادت میں سروجنی نگر میں ایک اگست کو ’’شکتی کا شنکھ ناد‘‘ کے نام سے ایک بڑی عوامی ریلی کا انعقاد کیا جائے گا۔ اس ریلی کا مقصد خواتین کے وقار، تعلیم، روزگار اور مساوی احترام کے حق میں آواز بلند کرنا ہے، ساتھ ہی مذہبی شدت پسندی اور ’’برقعہ کلچر‘‘ کے خلاف سخت موقف اپنانا ہے۔

ڈاکٹر راجیشور سنگھ نے سوشل میڈیا پلیٹ فارم ’ایکس‘ پر ریلی کا اعلان کرتے ہوئے کہا کہ ’’خواتین کوئی شے نہیں، نہ قیدی ہیں نہ غلام، بلکہ بھارت کی تہذیب، شعور اور طاقت کی نمائندہ ہیں۔‘‘ انھوں نے مزید کہا کہ جو نظریات خواتین کو ان کے بنیادی حقوق سے محروم رکھیں، وہ نہ صرف عورت دشمن بلکہ قوم دشمن بھی ہیں۔ ڈاکٹر راجیشور سنگھ نے کہا کہ ’’یہ تحریک صرف کسی مولانا کی گندی سوچ یا ساڑی کی توہین تک محدود نہیں، بلکہ یہ طے کرے گی کہ بھارت مستقبل میں بھی ’’شکتی کی دھرتی‘‘ رہے گا، جہاں برقعہ کلچر یا طالبانی سوچ کی کوئی گنجائش نہیں ہے۔‘‘

अपमान पर मौन नहीं, प्रतिकार चाहिए,
नारीशक्ति को स्वाभिमान – सम्मान चाहिए!!

नारी कोई वस्तु नहीं, न कैदी है, न गुलाम है,
वह भारत की चेतना, संस्कृति और शक्ति की प्रतिमूर्ति है!

जो विचारधारा नारी को शिक्षा, रोजगार और सम्मान से वंचित करे, वह महिला विरोधी है, राष्ट्र विरोधी है,…

— Rajeshwar Singh (@RajeshwarS73) July 31, 2025

اس ریلی کا انعقاد ایک اگست کو دوپہر 12 بجے، لکھنؤ کے بنگلہ بازار چوراہے پر کیا جائے گا۔ ڈاکٹر راجیشور سنگھ نے سروجنی نگر کے تمام شہریوں، خصوصاً خواتین، باشعور اور حساس طبقات سے اپیل کی ہے کہ وہ اس ریلی میں بھرپور شرکت کریں اور اپنی ثقافتی شناخت کے تحفظ کا پیغام دیں۔ انھوں نے کہا کہ سروجنی نگر کی ’’ماترشکتی‘‘ اس وقت بیدار ہے اور اپنی آواز بلند کر کے یہ ثابت کرے گی کہ بھارت میں شدت پسندی کے نظریات کو پنپنے نہیں دیا جائے گا۔

بھارت ایکسپریس اردو