نئی دہلی: اتر پردیش کے جالون ضلع میں ایک سپاہی کی شراب کے نشے میں دھت ہوکر سڑک پرہنگامہ کرنے اور خود کو سنبھال نہ پانے کی ویڈیو سوشل میڈیا پر تیزی سے وائرل ہو رہی ہے۔ اس واقعے کے بعد پولیس انتظامیہ اورقانون و انتظام کی صورت حال پرسوال اٹھائے جا رہے ہیں۔
نشے میں دھت سپاہی کا سڑک پر ہائی وولٹیج ڈرامہ
یہ واقعہ جالون کے اُرئی کوتوالی علاقے کے مرکزی اُرئی شہر کا بتایا جا رہا ہے۔ وائرل ویڈیو میں صاف دیکھا جا سکتا ہے کہ پولیس اہلکار نے مکمل خاکی وردی پہن رکھی ہے، لیکن وہ شراب کے نشے میں اس قدر دھت ہے کہ اسے نہ تو سیدھے کھڑے ہونے کی ہوش ہے اور نہ ہی ایک قدم چلنے کی۔ویڈیو میں سپاہی کبھی سڑک کے کنارے گرتا ہوا دکھائی دیتا ہے تو کبھی کھمبے اور گاڑیوں کا سہارا لے کر خود کو سنبھالنے کی ناکام کوشش کرتا نظر آتا ہے۔
سوشل میڈیا پر وائرل ہوئی شرمناک ویڈیو
عوامی مقام پر پولیس اہلکار کی یہ حالت دیکھ کر راہ گیر اور مقامی دکاندار حیران رہ گئے۔ دیکھتے ہی دیکھتے موقع پر لوگوں کی بھیڑ جمع ہوگئی۔ اسی دوران کسی شخص نے پورے واقعے کی ویڈیو اپنے موبائل فون میں ریکارڈ کرکے سوشل میڈیا پر ڈال دی۔ویڈیو وائرل ہونے کے بعد لوگوں میں شدید ناراضی دیکھی جا رہی ہے۔ مقامی لوگوں کا کہنا ہے کہ اگر قانون کے رکھوالے ہی سرعام شراب کے نشے میں سڑکوں پر ہنگامہ کریں گے تو عام شہریوں کی حفاظت کا کیا ہوگا؟
پولیس محکمہ پر اٹھ رہے سنگین سوالات
وائرل ویڈیو نے ایک بار پھر پولیس محکمہ میں نظم و ضبط اور وردی کے وقار سے متعلق سوال کھڑے کر دیے ہیں۔ پولیس کی وردی ہر اہلکار کے لیے اس کے فرائض، ذمہ داری اور احترام کی علامت ہوتی ہے۔ ایسے میں عوامی مقام پر نشے کی حالت میں نظر آنے والے اس سپاہی کے رویے نے جالون پولیس محکمہ کو بھی سوالات کے گھیرے میں لا کھڑا کیا ہے۔
سپاہی کی شناخت کی کوشش شروع
سوشل میڈیا پر ویڈیو وائرل ہونے اور معاملہ ذرائع ابلاغ میں آنے کے بعد جالون پولیس کے اعلیٰ افسران بھی حرکت میں آ گئے ہیں۔ اُرئی کوتوالی اور ضلع پولیس محکمہ نے معاملے کا نوٹس لیتے ہوئے سپاہی کی شناخت شروع کر دی ہے۔ذرائع کے مطابق پولیس یہ معلوم کرنے کی کوشش کر رہی ہے کہ ویڈیو میں نظر آنے والا اہلکار اُرئی کوتوالی میں تعینات ہے یا کسی دوسری جگہ ڈیوٹی پر تھا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
