این ڈی آر ایف نے دہلی میں سیلاب سے 4346 لوگوں کو بچایا۔
Delhi flood alert: دہلی میں جمنا کے پانی کی سطح میں اضافہ اب سنگین تشویش کا موضوع بنتا جا رہا ہے۔ اس کی وجہ یہ ہے کہ دہلی کے نشیبی علاقوں میں رہنے والے لوگ سیلاب کے عین منہ پر آ گئے ہیں۔ کچھ علاقوں تک پہنچنے کے لیے ریسکیو ٹیم کو کشتی کا سہارا لینا پڑ رہا ہے۔ جنوب مشرقی دہلی، مشرقی دہلی اور شمال مشرقی دہلی کے بیشتر علاقوں میں چاروں طرف پانی نظر آرہا ہے۔ ہریانہ میں ہتھنی کنڈ بیراج سے چھوڑے گئے پانی کی وجہ سے جمنا کا پانی اب جی ٹی کرنال روڈ، کشمیری گیٹ، آؤٹر رنگ روڈ، جمنا بازار، آئی ٹی او اور دہلی گیٹ تک پہنچ گیا ہے۔
اگر جمنا کے پانی کی سطح میں اضافے کا یہ سلسلہ ایک سے دو دن تک جاری رہا تو جمنا کا پانی نئی دہلی ریلوے اسٹیشن، کناٹ پلیس، دہلی گیٹ اور آئی ٹی او سے ہوتے ہوئے پرگتی میدان کے علاقوں میں پھیل سکتا ہے۔ جبکہ یہ علاقے سیکورٹی کے حوالے سے بہت اہم ہیں۔ پارلیمنٹ ہاؤس، انڈیا گیٹ، مرکزی حکومت کی بڑی وزارتیں یہاں سے تھوڑی ہی دوری پر واقع ہیں، جن کے ذریعے پورے ملک کو چلایا جاتا ہے۔
#WATCH दिल्ली: यमुना नदी का जलस्तर बढ़ने से आईटीओ के पास रिंग रोड में पानी भरने के कारण यातायात प्रभावित हुआ। pic.twitter.com/rp1EgMJch6
— ANI_HindiNews (@AHindinews) July 13, 2023
دہلی کے وزیراعلیٰ کی رہائش گاہ تک پہنچا پانی
جمنا کے پانی کی سطح میں اضافے کے حوالے سے تازہ ترین رپورٹ یہ ہے کہ دہلی میں ہر طرف پانی ہی پانی نظر آرہا ہے۔ 13 جولائی کی صبح جمنا کے پانی کی سطح 208.46 میٹر سے تجاوز کر گئی ہے۔ جمنا بازار پوری طرح ڈوب گیا ہے۔ یہاں لوگ کشتیوں کا سہارا لینے پر مجبور ہیں۔ اتنا ہی نہیں دہلی کی آؤٹر رنگ روڈ کو پانی کی وجہ سے بند کر دیا گیا ہے۔ میڈیا رپورٹس کے مطابق جمنا کے پانی کی سطح 13 جولائی کی شام تک 208.75 میٹر سے تجاوز کر جائے گی۔ دہلی کے وزیراعلیٰ اروند کیجریوال کی مشہور رہائش گاہ کے چاروں طرف پانی ہی پانی ہے۔
#WATCH | Delhi: Rise in water level of river Yamuna after incessant rainfall & release of water from Hathnikund barrage
(Visuals from Old Yamuna bridge – ‘Loha Pul’) pic.twitter.com/cJTbe3uTmD
— ANI (@ANI) July 13, 2023
جی ٹی کرنال روڈ پر یک طرفہ ٹریفک بند
جمنا ندی میں پانی کی سطح بڑھنے کے بعد دہلی کے جی ٹی کرنال روڈ پر پانی بھر جانے کی وجہ سے ٹریفک متاثر ہوا ہے۔ اس کے علاوہ جی ٹی کرنال روڈ، کشمیری گیٹ، آؤٹر رنگ روڈ، جمنا بازار، آئی ٹی او، دہلی گیٹ تک پانی نے دستک دی ہے۔ دہلی میں، کشمیری گیٹ کے قریب نشیبی علاقے جمنا ندی کے پانی کی سطح میں اضافے کی وجہ سے ڈوب گئے۔ پانی کی سطح میں مسلسل اضافہ کے بعد، این ڈی آر ایف متاثرہ علاقے سے لوگوں کو نکالنے اور انہیں محفوظ مقامات پر لے جانے کے لیے اسپاٹ ریسکیو آپریشن میں مصروف ہے۔
#WATCH | Traffic affected after GT Karnal road in Delhi gets flooded after rise in water level of Yamuna River pic.twitter.com/hoaKTR2ZCr
— ANI (@ANI) July 13, 2023
یہ بھی پڑھیں- Delhi: دہلی میں عروج پر جمنا، اب تک کے تمام ریکارڈ توڑتے ہوئے 208.41 میٹر کی سطح کو کیا عبور، ایل جی نے بلائی میٹنگ
#WATCH | Delhi: Low-lying areas near Kashmiri gate flooded due to the rise in the water level of river Yamuna. pic.twitter.com/wgSNhB669c
— ANI (@ANI) July 13, 2023
اپنے گھر بار چھوڑ کر کیمپوں میں رہنے پر مجبور ہو ئے ہزاروں لوگ
بتا دیں کہ جمعرات یعنی 12 جولائی کو جمنا کے پانی کی سطح بڑھنے کے بعد لوہے کے پرانے پل کو بند کر دیا گیا تھا۔ جمنا کے زیر آب علاقے میں دہلی پولیس کے ذریعہ دفعہ 144 لاگو ہے۔ ایل جی ونے سکسینہ نے خود کشتی پر سوار ہو کر جمنا کے پانی کی سطح اور سیلاب کا جائزہ لیا۔ سنٹرل واٹر کمیشن کی جانب سے پانی کی سطح میں ریکارڈ اضافہ کے اعلان کے بعد سی ایم اروند کیجریوال نے لوگوں سے اپنے گھر چھوڑنے اور محفوظ مقامات پر پہنچنے کی اپیل کی۔ دہلی حکومت کے قائم کردہ کیمپوں میں اب تک ہزاروں لوگ پناہ لے چکے ہیں۔ دہلی حکومت میں شامل وزراء سیلاب سے متاثرہ علاقوں کا مسلسل دورہ کر رہے ہیں۔
-بھارت ایکسپریس
