نئی دہلی : دہلی -این سی آرمیں آج 19 ستمبر کو 3Aبھی آسمان پر جزوی طور پر بادل چھائے رہنے کا امکان ہے۔ بعض علاقوں میں ہلکی بوندا باندی ہو سکتی ہے، تاہم محکمۂ موسمیات کے مطابق آج شدید بارش یا گرج چمک کے ساتھ طوفان کا کوئی امکان نہیں ہے۔ زیادہ سے زیادہ درجہ حرارت 35 ڈگری سیلسیس جبکہ کم سے کم درجہ حرارت 23 ڈگری سیلسیس کے آس پاس رہنے کی توقع ہے۔ دن کے وقت گرمی کے ساتھ حبس بھی لوگوں کو پریشان کر سکتا ہے۔
صبح و شام نمی کی سطح زیادہ رہنے کا امکان
محکمۂ موسمیات کے مطابق دہلی میں صبح کے وقت ہوا میں نمی تقریباً 70 فیصد اور شام کے وقت 60 فیصد کے آس پاس رہ سکتی ہے۔ نمی کی زیادہ مقدار کے باعث دن بھر حبس محسوس ہوگا۔ ماہرین کے مطابق یہ جاتے ہوئے مانسون کا اثر ہے۔ اب مانسون جلد ہی دہلی سمیت شمالی ہندوستان کے بیشتر علاقوں سے رخصت ہونے والا ہے۔
شدید بارش کا کوئی امکان نہیں
محکمۂ موسمیات کے مطابق دن بھر آسمان جزوی طور پر ابرآلود رہ سکتا ہے، لیکن شدید بارش کے کوئی امکانات نہیں ہیں۔ گزشتہ روز جمعہ کو بھی موسم تقریباً ایسا ہی رہا۔ ہفتہ کو بھی دن کے وقت درجہ حرارت 34 ڈگری سیلسیس سے تجاوز کر سکتا ہے۔ دہلی اور آس پاس کے علاقوں میں آج بارش کے امکانات بہت کم ہیں، اسی لیے موسم کے حوالے سے کوئی وارننگ جاری نہیں کی گئی ہے۔
مانسون کی واپسی کے آثار نمایاں
محکمۂ موسمیات کے مطابق اب مانسون کمزور پڑ رہا ہے، جس کے باعث بارش میں بھی نمایاں کمی آ رہی ہے۔ فی الحال صرف جزوی طور پر بادل چھائے رہنے کی پیش گوئی کی گئی ہے۔ آندھی یا طوفان کے بھی کوئی امکانات نہیں ہیں۔ دن کے وقت موسم نسبتاً گرم رہے گا، تاہم صبح اور شام کے درجہ حرارت میں اب بتدریج کمی شروع ہو گئی ہے۔
حبس سے بچوں اور بزرگوں کو دقت کا امکان
ہوا میں نمی زیادہ ہونے کی وجہ سے دن کے وقت حبس بڑھ سکتا ہے، جبکہ شام کے وقت بھی نمی زیادہ محسوس ہوگی۔ اس صورتحال میں خاص طور پر بزرگوں، بچوں اور صحت سے متعلق مسائل کا سامنا کرنے والے افراد کو دقت ہو سکتی ہے۔ لوگوں کو موسم کے مطابق احتیاط برتنے اور مناسب غذا و پانی کا استعمال کرنے کا مشورہ دیا گیا ہے۔دہلی میں ہوا کا دباؤ کم ہونے کے باعث فضائی آلودگی کی سطح بھی بڑھنے لگی ہے۔ آنے والے دنوں میں مانسون کی واپسی کے ساتھ آلودگی میں مزید اضافہ ہونے کا امکان ظاہر کیا جا رہا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
