امت شاہ کے بیان سے متفق نہیں چدمبرم
نئی دہلی: مرکزی وزیر داخلہ امت شاہ نے پارلیمنٹ میں کہا تھا کہ جب تک پی چدمبرم ملک کے وزیر داخلہ تھے، افضل گرو کو پھانسی نہیں دی گئی تھی۔ اب پی چدمبرم نے امت شاہ کے اس بیان کو ’توڑ مروڑ کر پیش کیا گیا‘ قرار دیا ہے۔
پی چدمبرم نے سوشل میڈیا پلیٹ فارم ایکس پر کہا کہ افضل گورو کی بیوی نے اکتوبر 2006 میں صدر کے سامنے رحم کی درخواست دائر کی تھی۔ یہ درخواست 3 فروری 2013 کو مسترد کی گئی، جس کے بعد افضل گرو کو 9 فروری 2013 کو پھانسی دی گئی۔ وہ یکم دسمبر 2008 سے 31 جولائی 2012 تک وزیر داخلہ تھے اور اس دوران رحم کی درخواست صدر کے پاس تھی۔ قانون کے مطابق رحم کی درخواست کا فیصلہ ہونے تک پھانسی نہیں دی جا سکتی۔
چدمبرم نے شاہ کے بیان کو غلط قرار دیا
چدمبرم نے شاہ کے بیان کو حقیقی طور پر غلط قرار دیا اور کہا کہ یہ بیان سیاسی الزامات اور جوابی الزامات کا حصہ ہے۔ انہوں نے حقائق کی بنیاد پر صورتحال کو واضح کرتے ہوئے حکومت سے ایسے بیانات سے گریز کرنے کی اپیل کی۔
راجیہ سبھا میں شاہ کا آپریشن سندور پر بیان
راجیہ سبھا میں مرکزی وزیر داخلہ امت شاہ نے آپریشن سندور پر ردعمل دیتے ہوئے کہا کہ جب تک پی چدمبرم ملک کے وزیر داخلہ تھے، افضل گرو کو پھانسی نہیں ہوئی۔ کانگریس پارٹی کی ذہنیت کو ملک کی عوام دیکھ رہے ہے۔ ان لوگوں کی ترجیح ملکی سلامتی نہیں بلکہ سیاست ہے جسے کسی قیمت پر قبول نہیں کیا جا سکتا ہے۔ کانگریس کی ترجیح کبھی بھی دہشت گردی کو ختم کرنا نہیں رہی ہے، بلکہ ان لوگوں نے ہمیشہ ووٹ حاصل کرنے کے بارے میں سوچا ہے۔
امت شاہ نے پی چدمبرم کے بیان کا کیا ذکر
امت شاہ نے پی چدمبرم کے بیان کا ذکر کرتے ہوئے کہا تھا کہ وہ کہہ رہے ہیں کہ کیا حکومت کے پاس ثبوت ہیں، جس سے یہ ظاہر ہو سکے کہ آخر پہلگام دہشت گردانہ حملہ کو پاکستانی دہشت گردوں نے انجام دیا۔ میں پی چدمبرم سے یہ سوال پوچھنا چاہتا ہوں کہ آخر وہ اس طرح کا بیان دے کر کیا پاکستانی دہشت گردوں کو بچانا چاہتے ہیں؟
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
