اسرو نے چاند پر روور کے نیچے اترنے کا ویڈیو شیئر کیا
Chandrayaan-3 landing: انڈین اسپیس ریسرچ آرگنائزیشن (اسرو) نے آج چندریان-3 روور کے لینڈر سے چاند کی سطح پر اترنے کا ایک نیا ویڈیو جاری کیا۔ اس سے پہلےانہوں نے چاند کی سطح پر چندریان-3 لینڈر کی تصویر بھی شیئر کی تھی، جسے چندریان-2 کے آربیٹر ہائی ریزولوشن کیمرے سے کلک کیا گیا تھا۔
بدھ کی شام چاند کی سطح پر چندریان-3 خلائی جہاز نے سوفٹ لینڈنگ کرتے ہوئے اسرو نے تاریخ رقم کی۔ وکرم لینڈر نے IST شام 6:04 بجے سافٹ لینڈنگ کی۔ مشن کی کامیابی کے ساتھ، ہندوستان چاند کے جنوبی قطب کے قریب خلائی جہاز اتارنے والا پہلا ملک بن گیا اور امریکہ، سوویت یونین اور چین کے بعد چاند پر سوفٹ لینڈنگ مکمل کرنے والا تاریخ کا صرف چوتھا ملک بن گیا۔ لینڈنگ کے ایک دن بعداسرو نے تصدیق کی کہ چندریان -3 کے تمام سسٹم نارمل ہیں اور تمام سرگرمیاں شیڈول کے مطابق ہو رہی ہیں۔
اسرو نے چاند پر روور کے نیچے اترنے کا ویڈیو شیئر کیا
اب اسرو نے ایک ویڈیو جاری کیا ہے۔ جس میں دیکھا جاسکتا ہے کہ کس طرح روور پرگیان لینڈر وکرم سے باہر آیا۔ ویڈیو میں دیکھا جا سکتا ہے کہ لینڈر وکرم کا گیٹ آسانی سے کھلتا ہے۔ اس کے بعد روور پرگیان آہستہ آہستہ چاند کی سطح پر اترتا ہے۔ ویڈیو میں مزید دیکھاجاسکتا ہے کہ جیسے ہی روور پرگیان چاند کی سطح پر اترتا ہے، وہاں اس کے پہیے کے نشانات بن جاتے ہیں۔
… … and here is how the Chandrayaan-3 Rover ramped down from the Lander to the Lunar surface. pic.twitter.com/nEU8s1At0W
— ISRO (@isro) August 25, 2023
بھارت ایکسپریس
