فائل فوٹو۔
بارڈر سیکورٹی فورس (بی ایس ایف) نے جمعہ کو اعلان کیا کہ اس نے جموں کے سانبا سیکٹر میں ہندوستان-پاکستان بین الاقوامی سرحد پر دراندازی کی ایک بڑی کوشش کو ناکام بنا دیا، جس میں سات دہشت گرد مارے گئے اور پاکستان رینجرز کی ایک چوکی کو تباہ کر دیا گیا۔ بی ایس ایف کے ایک ترجمان کے مطابق یہ واقعہ 8 اور 9 مئی کی درمیانی رات میں پیش آیا، جب سرحدی نگرانی کے نظام کے ذریعے دہشت گردوں کے ایک ’’بڑے گروپ‘‘ کا ہندوستانی علاقے میں داخل ہونے کی کوشش کا پتہ چلا۔
مبینہ طور پر اس دراندازی کی کوشش کی پشت پناہی پاکستان رینجرز کی دھندھر پوسٹ سے کی گئی تھی۔ بی ایس ایف اہلکاروں نے تیزی سے جواب دیا اور کم از کم سات دراندازوں کو بے اثر کر دیا اور دھندھر پوسٹ کو بھاری نقصان پہنچایا۔ فورس نے تھرمل امیجنگ فوٹیج بھی جاری کی ہے جس میں پوسٹ کی تباہی کو دکھایا گیا ہے۔
#WATCH | On 8-9 May 2025, BSF foiled a major infiltration bid at the International Boundary in Samba district, J&K by killing at least seven terrorists and causing extensive damage to the Pakistan Post Dhandhar, says BSF.
(Source: BSF) pic.twitter.com/c2MWOUuvQs
— ANI (@ANI) May 9, 2025
سرحد پر جاری ہے پاکستان کی جانب سے بلااشتعال گولہ باری
واضح رہے کہ ہندوستان-پاکستان سرحد کے ساتھ ایک بڑی کشیدگی میں پاکستانی فورسز نے بدھ کی شام جموں میں شہری علاقوں اور فوجی تنصیبات کو نشانہ بناتے ہوئے مربوط ڈرون حملے شروع کیے۔ ہندوستانی فضائی دفاعی نظام نے تیزی سے جوابی کارروائی کرتے ہوئے تمام ڈرونز کو کامیابی سے روکا اور بے اثر کر دیا۔ ڈرون حملے کے علاوہ پاکستانی فوجیوں نے لائن آف کنٹرول (ایل او سی) پر شدید گولہ باری بھی کی۔
ہندوستان اور پاکستان کے درمیان حالیہ کشیدگی کے پیش نظر سرحد پر سیکورٹی بڑھا دی گئی ہے۔ کئی علاقے ہائی الرٹ پر ہیں اور حکومت لگاتار صورت کا جائزہ لے رہی ہے۔ دریں اثنا آج وزارت دفاع کی بریفنگ میں وکرم مسری نے واضح کیا ہے کہ ہندوستان نے پاکستانی کے حملوں کا مناسب اور ذمہ دارانہ طور پر جواب دے دیا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
