برطانیہ کے خارجہ سکریٹری ڈیوڈ لیمی نے ہفتہ کو نئی دہلی میں وزیر اعظم نریندر مودی سے ملاقات کی اور پہلگام دہشت گردانہ حملے کی سخت مذمت کرتے ہوئے سرحد پار سے ہونے والی دہشت گردی کے خلاف ہندوستان کی لڑائی کی حمایت کا اظہار کیا۔ اس ملاقات کے دوران اہم شعبوں میں ہندوستان کے ساتھ تعاون کو مزید بڑھانے میں برطانیہ کی مضبوط دلچسپی کا اظہار بھی کیا گیا۔
سوشل میڈیا پلیٹ فارم ’ایکس‘ پر اس ملاقات کی تصویریں شیئر کرتے ہوئے وزیر اعظم مودی نے لکھا ’’برطانیہ کے خارجہ سکریٹری مسٹر ڈیوڈ لیمی سے مل کر خوشی ہوئی۔ ہماری جامع اسٹریٹجک پارٹنرشپ میں قابل ذکر پیش رفت میں ان کا اہم تعاون قابل تعریف ہے، جسے حال ہی میں مکمل ہونے والے ایف ٹی اے سے مزید تقویت ملی ہے۔ سرحد پار سے ہونے والی دہشت گردی کے خلاف ہندوستان کی لڑائی کے لیے برطانیہ کی حمایت کی ہم قدر کرتے ہیں۔‘‘
Pleased to meet UK Foreign Secretary Mr. David Lammy. Appreciate his substantive contribution to the remarkable progress in our Comprehensive Strategic Partnership, further strengthened by the recently concluded FTA. Value UK’s support for India’s fight against cross-border… pic.twitter.com/8PDLWEwyTl
— Narendra Modi (@narendramodi) June 7, 2025
وزیر اعظم مودی نے آزاد تجارتی معاہدے کی تکمیل پر کیا خوشی کا اظہار
اس ملاقات کے دوران پی ایم مودی نے ہندوستان-برطانیہ آزاد تجارتی معاہدے اور ڈبل کنٹری بیوشن کنونشن کے کامیاب اختتام پر اطمینان کا اظہار کیا اور دونوں فریقوں کی تعمیری مصروفیات کی تعریف کی۔ پی ایم مودی نے دونوں ممالک کے درمیان دو طرفہ تعلقات میں آتی ہوئی تیزی کا بھی خیر مقدم کیا اور ہندوستان-برطانیہ جامع اسٹریٹجک پارٹنرشپ کے مزید مضبوط ہونے پر اطمینان کا اظہار کیا۔
وزیر اعظم کے دفتر سے جاری ایک بیان میں کہا گیا ہے کہ ’’ڈیوڈ لیمی نے تجارت اور سرمایہ کاری، دفاع اور سیکورٹی، ٹیکنالوجی، جدت اور صاف توانائی سمیت اہم شعبوں میں تعاون کو مزید بڑھانے میں برطانیہ کی مضبوط دلچسپی کا اظہار کیا۔ انھوں نے یقین ظاہر کیا کہ FTA دونوں ممالک کے لیے نئے اقتصادی مواقع کھولے گا۔‘‘ دریں اثنا دونوں لیڈران نے علاقائی اور عالمی امور پر بھی تبادلۂ خیال کیا۔
ڈیوڈ لیمی نے ادا کیا وزیر اعظم مودی کا شکریہ
اس دوران وزیر اعظم مودی نے برطانیہ کے وزیر اعظم کیئر اسٹارمر کو بھی مبارکباد پیش کی اور جلد از جلد باہمی سہولت کے ساتھ ہندوستان کے دورے کی دعوت کا اعادہ کیا۔ وہیں ڈیوڈ لیمی نے وزیر اعظم مودی کا شکریہ ادا کرتے ہوئے لکھا ’’بھارت میں ہمارے پرتپاک استقبال کے لیے وزیر اعظم نریندر مودی کا شکریہ۔ ہمارے عظیم ممالک کے درمیان آزاد تجارتی معاہدے کی بنیاد پر ہم اپنی شراکت کو مزید گہرا کرنے اور ترقی اور تحفظ فراہم کرنے کے لیے مل کر کام کرتے رہیں گے۔‘‘
Thank you Prime Minister @narendramodi for your warm welcome to India. Building on the free trade agreement between our great countries, we will continue working together to deepen our partnership, celebrate our unique living bridge, and deliver growth and security. pic.twitter.com/UbPXRey4Wn
— David Lammy (@DavidLammy) June 7, 2025
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
