مغربی بنگال کی سیاست میں آج ایک نئے دور کی شروعات ہو گئی ہے۔ ترنمول کانگریس (TMC) کے 15 سالہ اقتدار کا خاتمہ کرتے ہوئے بھارتیہ جنتا پارٹی (بی جے پی) نے آج ریاست میں اپنی پہلی حکومت قائم کر لی ہے۔ ممتا بنرجی کو ان کے ہی مضبوط گڑھ بھوانی پور میں زبردست شکست دینے والے قدآور لیڈر سویندو ادھیکاری آج وزیر اعلیٰ کے طور پر حلف لے چکے ہیں۔کولکاتا کے مشہور بریگیڈ پریڈ گراؤنڈ (Brigade Parade Ground) میں اس تاریخی تقریبِ حلف برداری کا انعقاد کیا گیا۔ اس لمحے کا گواہ بننے کے لیے وزیر اعظم نریندر مودی، مرکزی وزیر داخلہ امت شاہ، بی جے پی صدر نتن نوین سمیت 20 ریاستوں کے وزرائے اعلیٰ اور کئی بڑے قد آور لیڈر کولکاتا پہنچے۔
تقریب اور نئی حکومت سے جڑی اہم باتیں
آزادی کے بعد پہلی بار بی جے پی نے بنگال اسمبلی انتخابات میں 293 میں سے 207 سیٹیں جیت کر واضح اکثریت حاصل کی ہے، جبکہ ممتا بنرجی کی TMC محض 80 سیٹوں تک محدود ہو گئی ہے۔امت شاہ کی صدارت میں ہوئی میٹنگ میں سویندو ادھیکاری کو متفقہ طور پر بی جے پی مقننہ پارٹی کا لیڈر منتخب کیا گیا۔ سویندو نے اس انتخاب میں ایک ساتھ دو نشستوں، اپنے آبائی ضلع مشرقی مدناپور کی نندی گرام اور جنوبی کولکاتا کی بھوانی پور سیٹ سے شاندار کامیابی حاصل کی۔ بھوانی پور میں انہوں نے سابق وزیر اعلیٰ ممتا بنرجی کو 15 ہزار سے زائد ووٹوں کے فرق سے شکست دی۔انتخابی مہم کے دوران ہی وزیر اعظم مودی نے بنگال کی عوام سے وعدہ کیا تھا کہ وہ بی جے پی حکومت کی حلف برداری کی تقریب میں ضرور شریک ہوں گے۔ اپنے اسی وعدے کو نبھاتے ہوئے پی ایم مودی آج اسٹیج پر موجود رہے۔ تقریب کے لیے ایک ہزار سے زائد VVIP کارڈ تقسیم کیے گئے جبکہ مجموعی طور پر 9 ہزار مہمانوں کو مدعو کیا گیا۔
راج بھون پہنچ کر پیش کیا حکومت سازی کا دعویٰ
بی جے پی مقننہ پارٹی کا لیڈر منتخب ہونے کے بعد سویندو ادھیکاری نے جمعہ کی شام لوک بھون پہنچ کر گورنر آر این روی (RN Ravi) سے ملاقات کی اور نئی حکومت بنانے کا باضابطہ دعویٰ پیش کیا۔ اس دوران ان کے ساتھ مرکزی وزیر بھوپیندر یادو، شانتنو ٹھاکر، اڈیشہ کے وزیر اعلیٰ موہن چرن ماجھی سمیت ریاستی یونٹ کے کئی سینئر لیڈر بھی موجود تھے۔
#WATCH | कोलकाता: केंद्रीय गृह मंत्री अमित शाह, रक्षा मंत्री राजनाथ सिंह, केंद्रीय मंत्री जे.पी. नड्डा, भाजपा के राष्ट्रीय अध्यक्ष नितिन नवीन और अन्य सहित वरिष्ठ NDA नेता ब्रिगेड परेड ग्राउंड में हैं, जहां पश्चिम बंगाल में भाजपा सरकार का शपथ ग्रहण समारोह हो रहा है।
भाजपा नेता… pic.twitter.com/usqqTzu7t9
— ANI_HindiNews (@AHindinews) May 9, 2026
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
