Swaraj Kaushal Passed Away: بھارتیہ جنتا پارٹی (بی جے پی) کی سینئرخاتون لیڈراورسابق وزیرخارجہ رہ چکیں سشما سوراج (آنجہانی) کے شوہراوربی جے پی کی رکن پارلیمنٹ بانسری سوراج کے والد کوشل سوراج نے آج دنیا کوالوداع کہہ دیا۔ یہ جانکاری بانسری سوراج نے خود دی۔ بانسری سوراج پیشے سے وکیل ہیں اورنئی دہلی سے بی جے پی کی رکن پارلیمںٹ ہیں۔ کوشل سوراج 73 سال کے تھے۔ وہ سپریم کورٹ کے ایک سینئر وکیل تھے۔ وہ میزورم کے گورنربھی رہ چکے تھے۔ ان کی پیدائش 12 جولائی 1952 کوہوئی تھی۔
دہلی کی وزیراعلیٰ ریکھا گپتا نے سوشل میڈیا سائٹ ایکس پرپوسٹ کرکے بی جے پی کی رکن پارلیمنٹ بانسری سوراج کے والد سوراج کوشل کی رحلت پرافسوس کا اظہارکیا ہے۔ ایک پوسٹ میں ریکھا گپتا نے لکھا کہ میزورم کے سابق گورنراورسینئروکیل سوراج کوشل کا دنیا سے رخصت ہونا بے حد افسوسناک ہے۔
मिजोरम के पूर्व राज्यपाल और वरिष्ठ अधिवक्ता श्री स्वराज कौशल जी के निधन की खबर दुखद है। श्री स्वराज कौशल जी का सार्वजनिक जीवन और विधि के क्षेत्र में योगदान हमेशा याद किया जाएगा। राष्ट्र और समाज के प्रति उनकी सेवा अविस्मरणीय है। दुःख की इस घड़ी में, मेरी गहरी संवेदनाएँ सांसद… pic.twitter.com/8BhfT4RDVq
— Rekha Gupta (@gupta_rekha) December 4, 2025
دہلی کی وزیراعلیٰ نے لکھا کہ سوراج کوشل کی عوامی زندگی اورقانون کے میدان میں تعاون ہمیشہ یاد کیا جائے گا۔ قوم اورسماج کے تئیں ان کی خدمت ناقابل فراموش ہے۔ غم کی اس گھڑی میں میری گہری تعزیت ایم پی بانسری سوراج اوران کے پورے خاندان کے ساتھ ہے۔ بھگوان اس مشکل وقت میں آنجہانی کی روح کوسکون دے اوران کے اہل خانہ کوصبرکی طاقت دے۔ اوم شانتی۔
آج ہی ادا کی جائے گی سوراج کوشل کی آخری رسوم
اس ضمن میں بی جے پی کی دہلی یونٹ نے پوسٹ کیا۔ بی جے پی دہلی یونٹ نے لکھا کہ رکن پارلیمنٹ اورپردیش منتری بانسری سوراج کے والد سوراج کوشل آج 4 دسمبر 2025 کو دنیا سے رخصت ہوگئے۔ ان کی آخری رسوم آج 4 دسمبر، 2025 کو شام 4:30 بجے لودھی روڈ شمشان گھاٹ پرادا کی جائے گی۔
सांसद एवं प्रदेश मंत्री सुश्री बांसुरी स्वराज जी के पिताजी श्री स्वराज कौशल जी का आज 4 दिसम्बर, 2025 को निधन हो गया है।
उनका अंतिम संस्कार आज 4 दिसम्बर, 2025 को सायं 4.30 बजे लोधी रोड श्मशान घाट पर किया जायेगा।
— BJP Delhi (@BJP4Delhi) December 4, 2025
سوراج کوشل کی موت پرمیزورم کے گورنرجنرل وی کے سنگھ نے بھی افسوس کا اظہارکیا۔ انہوں نے لکھا کہ ملک کے مشہوروکیل سوراج کوشل، جومیزورم کے گورنررہے اورراجیہ سبھا کے رکن پارلیمنٹ رہے، کی رحلت کی مایوس کن خبرموصول ہوئی ہے۔ اس خبر سے بے افسوس ہوا اورذہنی پریشانی ہوئی۔ خدا (ایشور) سے دعا ہے کہ اپنے شری چرنوں میں مقام دے اورسوگوارخاندان کواس مشکل گھڑی میں صبرجمیل عطا فرمائے۔ بانسری سوراج میرے اورپورے خاندان کی طرف سے میری تعزیت قبول کریں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
