ایس پی صدر اکھلیش یادو(فوٹو: آئی اے این ایس)
لکھنؤ: سماج وادی پارٹی کے سربراہ اکھلیش یادو نے اتوار کو رکھشا بندھن کے موقع پر لکھنؤ دفتر میں ایک پروگرام میں شرکت کی۔ اس دوران خواتین نے انہیں راکھی باندھی اور مٹھائی کھلائی۔
اکھلیش یادو نے پروگرام میں کہا کہ میں 69 ہزار نوجوانوں اور اساتذہ کو مبارکباد دینا چاہتا ہوں جنہوں نے مسلسل احتجاج کیا ہے۔ میں ان کی تقرری پر انہیں مبارکباد پیش کرتا ہوں۔ مجھے امید ہے کہ حکومت اپنی ذمہ داریاں پوری کرے گی، انصاف کو یقینی بنانے میں شفافیت کا مظاہرہ کرے گی۔ اگر وزیر اعلیٰ 69 ہزار بھرتیوں کا راستہ نہیں نکال سکتے تو اہیں کرسی چھوڑ دینی چاہئے۔
انہوں نے کہا کہ ریاستی حکومت مسلسل کہتی ہے کہ اس کی امن و امان کے معاملات میں زیرو ٹالرینس کی پالیسی ہے۔ جب تک ہم بی جے پی سے آزاد نہیں ہوتے ہم بدعنوانی اور غربت سے آزاد نہیں ہوں گے۔ بی جے پی سے آزادی حاصل کرنے کا مطلب تمام پریشانیوں اور بحرانوں سے آزادی حاصل کرنا ہے۔
انہوں نے کہا کہ بی جے پی کی نظر آئین اور ریزرویشن پر ہے، انہیں جب بھی موقع ملتا ہے وہ ریزرویشن سے کھیلتی ہے۔ بی جے پی ریزرویشن کی بنیادی روح سے کھیل رہی ہے۔ اپنی کرپشن اور غلط کاموں کو چھپانے کے لیے وہ بچوں کے مستقبل سے کھیل رہی ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
