بھارتیہ جنتا پارٹی (بی جے پی) نے لوک سبھا انتخابات 2024 سے قبل لداخ سے موجودہ ایم پی جمیانگ تسیرنگ نامگیال کا ٹکٹ منسوخ کر دیا ہے۔ منگل (23 اپریل 2024) کو، پارٹی نے بی جے پی کے امیدواروں کی 14ویں فہرست کے تحت اس سیٹ کے لیے نئے امیدوار کے نام کا اعلان کیا۔ بی جے پی کی سنٹرل الیکشن کمیٹی (سی ای سی) نے اس سیٹ کے لیے تاشی گیلسن کے نام کو منظوری دے دی ہے۔ یہ جانکاری پارٹی کے قومی جنرل سکریٹری اور ہیڈکوارٹر انچارج ارون سنگھ نے جاری کردہ ایک بیان میں دی ہے۔
تاشی گیلسن پیشے کے اعتبار سے وکیل ہیں، جنہوں نے بعد میں سیاست کا رخ کیا۔ وہ کابینہ کے وزیر کا درجہ رکھتے ہیں اور فی الحال لیہہ میں لداخ ہل دیولپمنٹ کونسل کے چیئرمین/سی ای سی ہیں۔ اس سیٹ پر اصل مقابلہ انڈین نیشنل ڈیولپمنٹ انکلوسیو الائنس (انڈیا) اور نیشنل ڈیموکریٹک الائنس (این ڈی اے) کے درمیان سمجھا جا رہا ہے۔ نوانگ رگزن جورا کو انڈیا الائنس سے امیدوار بنایا گیا ہے، جن کا تعلق کانگریس پارٹی سے ہے۔کرگل اور لیہہ اضلاع میں پھیلے اس پارلیمانی حلقے میں تقریباً تین لاکھ ووٹر ہیں۔ لداخ سیٹ کے لیے نامزدگی کی آخری تاریخ 3 مئی 2024 ہے، جب کہ کاغذات نامزدگی واپس لینے کی آخری تاریخ 6 مئی ہے۔ عام انتخابات کے پانچویں مرحلے کے تحت 20 مئی 2024 کو وہاں ووٹنگ ہوگی۔
لوک سبھا انتخابات اس بار سات مرحلوں میں ہو رہے ہیں۔ پہلے مرحلے کے تحت 19 اپریل 2024 کو (102 نشستوں پر) ووٹنگ ہوئی تھی، جب کہ دوسرے مرحلے کے تحت 26 اپریل کو 89سیٹوں پر، تیسرے مرحلے کے تحت 7 مئی کو 94سیٹوں پر، چوتھے مرحلے کے تحت 96سیٹوں پر، 13 مئی کو ووٹ ڈالے جائیں گے۔ پانچویں مرحلے کے تحت 20 مئی کو 49 لوک سبھا سیٹوں پر، چھٹے مرحلے کے تحت 25 مئی کو 57 اور ساتویں مرحلے کے تحت 1 جون کو 57 لوک سبھا سیٹوں پر ووٹنگ ہوگی۔ جبکہ نتائج کا اعلان 4 جون 2024 کو کیا جائے گا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
