انگلینڈ کے برمنگھم ایئر پورٹ پر مسافروں کے درمیان افراتفری کا ماحول بن گیا ہے۔
انگلینڈ کے برمنگھم ایئرپورٹ پرگرمی کی چھٹیوں میں آنے اور جانے والے مسافروں کی سہولیات سے متعلق تیاریاں چل رہی ہیں، جس کے سبب سیکورٹی جانچ کا عمل کافی سست ہوگیا۔ اس کا خمیازہ ہزاروں لوگوں کو بھگتنا پڑا۔ ہاف ڈے لیو کے دوران مسافروں کو کافی دیردھوپ میں سیکورٹی جانچ کے نام پر روکا گیا۔
مسافرگرمی کے سبب کافی پریشان نظرآئے۔ ہزاروں لوگوں کے درمیان افراتفری کا ماحول بن گیا۔ بتایا جار ہا ہے کہ ایئرپورٹ منیجمنٹ گرمیوں کی چھٹیوں کو دیکھتے ہوئے ضروری انتظام کر رہا ہے، جس کے سبب گھنٹوں تک مسافروں کو پریشانی جھیلنی پڑی۔ کچھ مسافروں نے کہا کہ انہوں نے قطاروں سے نکلنے کی گہاربھی انتظامیہ سے لگائی۔ کیونکہ ان کی پروازوں کا وقت پورا ہوگیا تھا اور گیٹ بند ہونے والے تھے، جس کے بعد ان کو جانے دیا گیا۔
#birminghamairport is a total farce, been here twice in two months and it gets worse .. avoid at all costs #chaos pic.twitter.com/NQuqW2DPVK
— Nick Rose (@Endthe_struggle) May 26, 2024
چھٹیوں کی شروعات سے پہلے خراب تجربہ
مسافر پیٹربرو کی ماں ہنا رائٹ نے موقع پرکہا کہ ان کے بیٹے کو کوالسٹرو فوبک کی بیماری ہے، جس کے سبب اس کو کافی پریشانیوں کا سامنا کرنا پڑا۔ ان کے لئے یہ ماحول کافی بدامنی والا تھا۔ چھٹیاں شروع ہون سے پہلے ہی ان کے بچے کے لئے ایک جدوجہد کرنے والی صورتحال پیدا کردی گئی، جو بالکل صحیح نہیں ہے۔ واریسٹر کے رہنے والے فل ایڈمس نے بھی اپنا ردعمل ظاہرکیا۔ انہوں نے کہا کہ وہ لوگ ایک گھنٹے سے قطار میں لگے ہیں۔ اتنی گرمی میں وہ تھک چکے ہیں۔ چھٹیاں گزارنے کے لئے آرلینڈو جا رہے تھے۔ تاہم اس سے پہلے ان کی ایسی شروعات کافی خراب رہی ہے۔
یہ بھی پڑھیں: افضال انصاری کا نیا قانونی داؤ، عدالت سے مانگی پانچ دنوں کی مہلت، جانئے پورا معاملہ
اس مہینے کچھ ایسے ہی حالات کا سامنا ہیتھرو، گیٹ وک اور مینچسٹر ایئرپورٹ پرلوگوں کو کرنا پڑا تھا۔ یہاں ہزاروں لوگ پوری رات آئی ٹی سسٹم کریش ہونے کے بعد ایئرپورٹ پرانتظار کرتے رہے تھے۔ لوگوں کو پانی اورکھانے کا سامان بھی نہیں مل سکا تھا۔ ای گیٹ بند ہوگئے تھے۔ جن کو کافی مشقت کے بعد کھولا گیا تھا۔ لوگوں نے انتظامیہ کی ناکامی پرسوال اٹھائے تھے۔
بھارت ایکسپریس۔
