نامور صحافی اور فلمی نقاد اجیت رائے کی آخری رسومات 11 اگست کو بکسر میں ادا کی جائیں گی۔ان کا انتقال 23 جولائی کو لندن میں ہوا۔آج ان کی میت کو خصوصی طیارے کے ذریعے بھارت لایا گیا۔ اجیت رائے کی میت کو دارالحکومت دہلی کے منڈی ہاؤس میں واقع نیشنل اسکول آف ڈرامہ (این ایس ڈی) میں آخری درشن کے لیے رکھا گیا تھا۔ اس دوران بھارت ایکسپریس کے سی ایم ڈی اور ایڈیٹر ان چیف اوپیندر رائے نے اجیت رائے کو جذباتی خراج عقیدت پیش کیا۔
انھوں نے اجیت رائے کی میت کے پاس پھول چڑھائے اور انھوں آخری الوداع کیا۔ اس دوران اور بھی بہت سے لوگوں نے انھیں خراج پیش کیا جن میں ادیب، صحافی، فلمی نقاد اور ثقافتی شخصیات شامل تھیں۔ ان کی میت کو آخری رسومات کے لیے دہلی سے سڑک کے ذریعے ان کے آبائی گاؤں کسیاں (ڈمراؤں) لے جایا جا رہا ہے۔ یہ گاؤں بہار کے بکسر شہر کے قریب ہے۔ اجیت رائے کی آخری رسومات پیر، 11 اگست 2025 کو وہاں ادا کی جائیں گی۔ ان کے آخری سفر کے دوران، ان کے اہل خانہ اور مداح انھیں وداع کرنے جائیں گے۔
’’رنگ پرسنگ‘‘ کے ایڈیٹر تھے اجیت رائے
اجیت رائے بین الاقوامی شہرت یافتہ صحافی تھے۔ وہ ڈرامہ اور فلم کے نقاد بھی تھے۔ ملک کے سب سے باوقار ڈراما انسٹی ٹیوٹ، نیشنل اسکول آف ڈراما (وزارت ثقافت، حکومت ہند) کے میگزین ’’رنگ پرسنگا‘‘ کے وہ ایڈیٹر تھے۔ انھیں سنیما کی دنیا میں ان کی خدمات کے لیے ہمیشہ یاد رکھا جائے گا۔ لندن میں ان کے انتقال کی خبر سے ادب اور فلم تنقید کے میدان میں سوگ کی لہر دوڑ گئی۔
انھوں نے فلم ریویو اور ثقافتی صحافت میں مثالی کام کیا۔ بھارت ایکسپریس میں ان کے مضامین باقاعدگی سے شائع ہوتے تھے، جہاں ان کی گہری سمجھ اور تجزیاتی نقطہ نظر کو سراہا جاتا تھا۔ کانز فلم فیسٹیول جیسے بین الاقوامی فورمز میں ان کی موجودگی نے ہندوستانی سنیما کو بھی عالمی سطح پر پہچان دی۔ ان کے انتقال پر کئی شخصیات نے انھیں خراج عقیدت پیش کیا، جن میں مصنف ہری ونش بھی شامل ہیں۔ اجیت رائے کا جانا نہ صرف صحافتی نقصان ہے بلکہ ثقافتی اور سنیما کی دنیا کے لیے بھی ایک ناقابل تلافی نقصان ہے۔ ان کی تحریروں اور تجزیوں نے نئی نسل کو متاثر کیا۔ بکسر میں جنازے سے ان کی زندگی کا یہ باب ختم ہو جائے گا، لیکن ان کی میراث ہمیشہ لوگوں کے درمیان رہے گی۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
