آسام کے وزیر اعلیٰ ہمنتا بسوا سرما
آسام سے ایک بڑی خبر سامنے آئی ہے۔ وہاں کی حکومت نے یہ اعلان کیا ہے کہ آسام کے کریم گنج ضلع کا نام بدل کر شری بھومی رکھا جائے گا۔ یہ فیصلہ آسام کابینہ کی میٹنگ میں لیا گیاہے۔ وزیراعلیٰ ہمانتا بسوا سرما نے میٹنگ کے بعد اس کا اعلان کیا ہے۔ سی ایم ہمنتا بسوا سرما کا کہنا ہے کہ لفظ کریم گنج کسی آسامی یا بنگالی زبان میں نہیں ہے۔ اس لیے نام تبدیل کیا جا رہا ہے۔
Over a 100 years ago, Kabiguru Rabindranath Tagore had described modern day Karimganj District in Assam as ‘Sribhumi’- the land of Maa Lakshmi.
Today the #AssamCabinet has fulfilled this long standing demand of our people. pic.twitter.com/VSN8Bnyv8N
— Himanta Biswa Sarma (@himantabiswa) November 19, 2024
میڈیا سے بات کرتے ہوئے وزیر اعلیٰ ہمانتا بسوا سرما نے کہا، ‘حکومت آہستہ آہستہ ان جگہوں کے نام تبدیل کرے گی جن کا تاریخ میں کوئی ذکر نہیں ہے اور نہ ہی وہ الفاظ ڈکشنری میں ہیں۔ کئی مقامات ایسے ہیں جن کا نام ان کی تاریخی اہمیت کے مطابق نہیں رکھا گیا ہے۔ ہماری حکومت آہستہ آہستہ ان ناموں کو تبدیل کرے گی۔ اس سے پہلے ہم نے کالا پہاڑ اور گوہاٹی کی سارہ بھٹی کے نام بدلے ہیں۔ آج ریاستی کابینہ نے فیصلہ کیا ہے کہ کریم گنج ضلع کا نام اب شری بھومی ہوگا۔
ৰাজ্যবাসীৰ কল্যাণাৰ্থে কেইবাটাও গুৰুত্বপূৰ্ণ সিদ্ধান্তৰ সৈতে আজি অনুষ্ঠিত হয় অসম কেবিনেট বৈঠক৷ এই সন্দৰ্ভত সংবাদ মাধ্যমক সম্বোধন— https://t.co/BN6IQmqPYY
— Himanta Biswa Sarma (@himantabiswa) November 19, 2024
وزیر اعلیٰ سرما نے یہ بھی اعلان کیا کہ حکومت آسام میں پنچایتی انتخابات دو مرحلوں میں کرائے گی اور انتخابات کے لیے فہرستیں 30 دسمبر کو شائع کی جائیں گی، جب کہ انتخابی عمل اگلے سال 10 فروری تک مکمل کر لیا جائے گا۔ انہوں نے یہ بھی اعلان کیا کہ 24 فروری کو آسام سرمایہ کاری اور انفراسٹرکچر سمٹ کی میزبانی کرے گا اور اس میں وزیر اعظم نریندر مودی اور دیگرمہمانان بھی شرکت کریں گے۔
بھارت ایکسپریس۔
