وزیر داخلہ امت شاہ نے نائب صدر کے انتخاب کے لیے نیشنل ڈیموکریٹک الائنس (این ڈی اے) کے امیدوار جناب شری سی۔ پی۔ رادھا کرشنن سے ملاقات کی۔ امت شاہ نے انھیں وسیع تنظیمی اور انتظامی تجربہ رکھنے والا ایک باکمال لیڈر قرار دیا۔ سوشل میڈیا پلیٹ فارم ’ایکس‘ پر انھوں نے اس ملاقات کی تصویر بھی شیئر کی ہے۔
وزیر داخلہ امت شاہ نے پوسٹ میں لکھا کہ ’’نائب صدر کے انتخاب کے لیے این ڈی اے کے امیدوار شری سی پی رادھا کرشنن جی سے ملاقات کی۔ وہ وسیع تنظیمی اور انتظامی تجربہ رکھنے والے باکمال لیڈر ہیں۔ مجھے یقین ہے کہ وہ اپنے وسیع مشاہدے کے ساتھ ہندوستان کے نیشنل ڈسکورس میں بہت زیادہ حصہ ڈالیں گے۔‘‘ نائب صدارتی انتخابات سے پہلے اس ملاقات کو اہم مانا جا رہا ہے۔
Met NDA’s candidate for the vice presidential election, Shri C.P. Radhakrishnan Ji. He is a seasoned leader with vast organisational and administrative experience. I am sure he will contribute immensely to India’s national discourse with his vast exposure.@CPRGuv pic.twitter.com/b72LX7iL2S
— Amit Shah (@AmitShah) August 23, 2025
واضح رہے کہ این ڈی اے کی جانب سے سی پی رادھا کرشنن کی نامزدگی کو اس کی سیاسی حکمت عملی کے طور پر بھی دیکھا جا رہا ہے، کیوں کہ سی پی رادھا کرشنن کا تعلق تمل ناڈو ہے، جہاں بی جے پی اپنی سیاسی پکڑ کے لیے جد وجہد کر رہی ہے۔ اس قبل جمعہ کے روز وزیر داخلہ امت شاہ نے تمل ناڈو کا دورہ کرتے ہوئے وہاں ایک مجمع سے خطاب کے دوران بھی نائب صدر کے لیے سی پی رادھا کرشنن کو این ڈے اے کا امیدوار بنائے جانے کا ذکر کیا۔ انھوں نے اسے جذباتی رنگ دیتے ہوئے کہا کہ ’’تمل ناڈو کا بیٹا راجیہ سبھا کا چیئرمین بننے جا رہا ہے‘‘۔ دریں اثنا انڈیا بلاک نے بھی ساؤتھ سے ہی تعلق رکھنے والا نائب صدارتی امیدوار کھڑا کر کے اس مقابلے کو مزید دلچسپ بنا دیا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
