نئی دہلی :سری لنکا کو شکست دے کر بھارتی خواتین ٹیم کے 8ویں مرتبہ ایشیا کپ کا خطاب اپنے نام کرنے کے بعد ہائی وولٹیج ڈراما دیکھنے کو ملا۔ ایشین کرکٹ کونسل (اے سی سی) کے صدر محسن نقوی کھڑے ہو کر یہ سب دیکھتے رہ گئے، لیکن خواتین ٹیم نے ان کے ہاتھ سے ٹرافی وصول نہیں کی۔ اس معاملے پر صدر جمہوریہ کے علاوہ وزیر داخلہ امت شاہ، اتر پردیش کے وزیر اعلیٰ یوگی آدتیہ ناتھ اور بی جے پی کے صدر نتن نبین نے بھی ردعمل ظاہر کیا ہے۔
صدر جمہوریہ نے خواتین ٹیم کو دی مبارکباد
صدر جمہوریہ دروپدی مرمو نے خواتین ٹی20 ایشیا کپ چیمپئن شپ 2026 جیتنے پر ٹیم انڈیا کی تمام کھلاڑیوں کو دلی مبارکباد دی۔ انہوں نے ایکس پر پوسٹ میں کہا کہ بیٹیوں نے پورے ٹورنامنٹ کے دوران ایک ٹیم کے طور پر شاندار کھیل کا مظاہرہ کیا اور تمام میچ جیتے۔ انہوں نے ملک کا وقار بڑھایا ہے۔صدر جمہوریہ نے کہا کہ یہ کھلاڑی ہمارے نوجوانوں، خاص طور پر ہماری بیٹیوں کے لیے تحریک کا ایک بڑا ذریعہ ہیں۔ مجھے یقین ہے کہ وہ کامیابی اور بہترین کارکردگی کی مزید کئی متاثر کن کہانیاں رقم کریں گی۔
امت شاہ نے کیا کہا؟
وزیر داخلہ امت شاہ نے ایکس پر پوسٹ کرتے ہوئے کہا کہ بھارت نے ایشیائی کرکٹ میں ایک اور کامیابی حاصل کی ہے۔ انہوں نے کہا، ’’8واں خواتین ایشیا کپ خطاب جیتنے پر ہماری چیمپئنز کو بہت بہت مبارکباد۔‘‘امت شاہ نے مزید کہا کہ پورے ٹورنامنٹ میں اپنی شاندار بالادستی کے ذریعے بھارتی خواتین ٹیم نے ملک کو پرجوش کیا ہے اور لاکھوں لوگوں کے لیے تحریک کا راستہ ہموار کیا ہے۔
بی جے پی صدر نے کیا کہا؟
بی جے پی کے صدر نتن نبین نے ایشیا کپ میں یادگار کامیابی حاصل کرنے پر بھارتی خواتین کرکٹ ٹیم کو بہت بہت مبارکباد دی۔ انہوں نے کہا کہ یہ ملک کے لیے فخر کا لمحہ ہے اور بھارت میں خواتین کرکٹ کے بڑھتے قد کا ثبوت ہے۔انہوں نے امید ظاہر کی کہ یہ کامیابی بے شمار نوجوان لڑکیوں کو کرکٹ اپنانے اور اعتماد کے ساتھ اپنے خوابوں کو پورا کرنے کے لیے تحریک دے گی۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
