18 دسمبر کو مرکزی کابینہ کے وزیر رام موہن نائیڈو کا یومِ پیدائش ہے۔ اس موقع پر بھارت کے مرکزی وزیر داخلہ امت شاہ نے انہیں یومِ پیدائش کی دلی مبارکباد پیش کی اور ان کی اچھی صحت کے لیے نیک تمناؤں کا اظہار کیا۔ امت شاہ نے ایکس پر اپنی پوسٹ میں لکھا، ’’مرکزی کابینہ کے وزیر @RamMNK کو یوم پیدائش کی دل سے مبارکباد۔‘‘ انہوں نے وزیر رام موہن نائیڈو کی بہتر صحت کی خواہش کا اظہار کرتے ہوئے مزید لکھا، ’’آپ ہمیشہ صحت مند رہیں اور آپ کی عمر دراز ہو۔‘‘
Warm birthday greetings to Union Cabinet Minister Shri @RamMNK Ji. May you always remain blessed with good health and long life.
— Amit Shah (@AmitShah) December 18, 2025
وزیر اعظم نریندر مودی نے بھی رام موہن نائیڈو کو مبارکباد دی
وہیں، ملک کے وزیر اعظم نریندر مودی نے بھی رام موہن نائیڈو کو مبارکباد دی اور اپنی ایکس پوسٹ میں لکھا،’’مرکزی وزیر رام موہن نائیڈو کنجراپو گارو کو یومِ پیدائش کی مبارکباد۔‘‘ وزیر اعظم مودی نے مزید لکھا کہ وہ ایک نوجوان لیڈر ہیں جو شہری ہوابازی کے شعبے میں اصلاحات کے لیے بڑے پیمانے پر کام کر رہے ہیں۔ انہوں نے ان کی دراز عمر اور اچھی صحت کے لیے دعا کی۔
کون ہیں رام موہن نائیڈو؟
رام موہن نائیڈو بھارت کے 33ویں شہری ہوابازی کے وزیر ہیں۔ نائیڈو کی پیدائش 18 دسمبر 1987 میں آندھرا پردیش کے ضلع سری کاکولم میں ایک سیاسی خاندان میں ہوئی۔ سال 2024 میں بی جے پی کی قیادت والی حکومت نے انہیں مرکزی وزیر برائے شہری ہوابازی مقرر کیا۔رام موہن نائیڈو کے والد کنجراپو یرّن نائیڈو تلگو دیشم پارٹی (ٹی ڈی پی) کے سینئر اور قدآور لیڈروں میں شمار ہوتے تھے۔ ان کے والد 1996 سے 1998 تک مرکزی وزیر بھی رہ چکے ہیں۔ قابلِ ذکر ہے کہ والد کے انتقال کے بعد رام موہن نائیڈو نے عملی سیاست میں قدم رکھا اور آندھرا پردیش کی سری کاکولم لوک سبھا نشست سے تین مرتبہ رکن پارلیمنٹ منتخب ہو چکے ہیں۔ رام موہن نائیڈو کو آندھرا پردیش کے وزیر اعلیٰ چندرابابو نائیڈو کا قریبی اور معتمد ساتھی بھی مانا جاتا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
