مشرقِ وسطیٰ میں جاری شدید کشیدگی اور سمندری راستوں میں غیر یقینی صورتحال کے درمیان مرکزی حکومت نے عام لوگوں کو راحت دینے کے لیے ’ایمرجنسی پلان‘ تیار کر لیا ہے۔ حکومت نے کیروسین (مٹی کے تیل) سے متعلق قوانین میں بڑی نرمی دیتے ہوئے اسے براہِ راست پیٹرول پمپوں کے ذریعے فراہم کرنے کا فیصلہ کیا ہے۔
ہر ضلع میں دو پیٹرول پمپوں سے ملے گا کیروسین
حکومت نے گھریلو ایندھن کی ممکنہ قلت کو دیکھتے ہوئے 60 دن کی ’ایمرجنسی سپلائی‘ کا اعلان کیا ہے۔ اس نئے انتظام کی خاص بات یہ ہے کہ اب مٹی کے تیل کے لیے صرف راشن یا کوٹہ دکانوں پر انحصار نہیں کرنا پڑے گا۔ حکومت نے طے کیا ہے کہ ہر ضلع میں دو منتخب پیٹرول پمپوں کو ’کیروسین سینٹر‘ کے طور پر نامزد کیا جائے گا۔ یہ سہولت خاص طور پر کمزور طبقات اور ان خاندانوں کے لیے ہوگی جنہیں کھانا پکانے یا روشنی کے لیے فوری ایندھن کی ضرورت ہوتی ہے۔ بتایا گیا ہے کہ ملک کی وہ 21 ریاستیں اور مرکز کے زیر انتظام علاقے جنہیں پہلے ’کیروسین فری‘ قرار دیا گیا تھا، وہاں بھی عارضی طور پر کیروسین کی سپلائی دوبارہ شروع کی جا رہی ہے۔
اس کی ضرورت کیوں پیش آئی؟
دراصل ایران اور امریکہ کے درمیان جاری کشیدگی کے باعث آبنائے ہرمز کے سمندری راستے پر خطرات بڑھ گئے ہیں۔ اسی راستے سے بھارت کو ایل پی جی کی بڑی سپلائی موصول ہوتی ہے۔ تاہم بھارت نے اس صورتحال سے نمٹنے کے لیے اس طرح کی تیاری کی ہے۔ ادھر بھارتی پرچم بردار دو بڑے جہاز بی ڈبلیو ٹی وائی آر اور بی ڈبلیو ای ایل ایم کامیابی کے ساتھ آبنائے ہرمز عبور کر چکے ہیں۔ یہ دونوں جہاز تقریباً 94 ہزار ٹن ایل پی جی لے کر بھارت آ رہے ہیں۔ بی ڈبلیو ٹی وائی آر 31 مارچ تک ممبئی پہنچے گا جبکہ بی ڈبلیو ای ایل ایم یکم اپریل کو نیو مینگلور پورٹ پر لنگر انداز ہوگا۔ پٹرولیم وزارت نے واضح کیا ہے کہ یہ قدم صرف احتیاطی طور پر اٹھایا گیا ہے تاکہ کسی بھی ہنگامی صورتحال میں عام لوگوں کو ایندھن کی کمی کا سامنا نہ کرنا پڑے۔ پیٹرول پمپوں پر کیروسین دستیاب ہونے سے تقسیم کا عمل زیادہ شفاف اور تیز ہو جائے گا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
