احمد آباد میں پیش آنے والے دردناک سانحے میں اطلاعات کے مطابق ایئر انڈیا کی پرواز AI171 حادثے کا شکار ہونے کے بعد میگھانی نگر کے بی جے میڈیکل کالج کے ہاسٹل میس سے ٹکرا گئی، جس کے سبب مبینہ طور پر ہاسٹل کے احاطے میں مقیم میڈیکل طلبا کی بھی جانیں گئی ہیں اور سیکڑوں زخمی ہوئے ہیں۔ عینی شاہدین کے بیانات اور ابتدائی رپورٹس بتاتی ہیں کہ حادثے کے وقت متعدد طلبہ ہاسٹل یا میس ہال کے اندر تھے۔ اچانک ہونے والے حادثے اور اس کے نتیجے میں ہونے والے دھماکے نے ہوا اور زمین دونوں پر بڑے پیمانے پر جانی نقصان پہنچایا ہے۔
AI171 حادثے میں میڈیکل طلبا کی ہلاکت مزید تشویش کا باعث
بی جے میڈیکل کالج گجرات کے سب سے بڑے سرکاری زیر انتظام طبی اداروں میں سے ایک ہے۔ ان رپورٹس کے سامنے آنے کے بعد کہ ایئر انڈیا کی فلائٹ AI171 کے حادثے نے کیمپس کے ہاسٹل میس کے احاطے کو بھی متاثر کیا ہے، تشویش میں مزید اضافہ ہو گیا ہے۔ اگرچہ سرکاری طور پر اس کی تصدیق کا ابھی انتظار ہے، تاہم سامنے آنے والی فوٹوز اور ویڈیوز میں دیکھا جا سکتا ہے کہ جہاز کا ایک حصہ میس کے اوپر اٹکا ہوا ہے اور ہاسٹل کی عمارت کو شدید نقصان پہنچا ہے۔
Air India Flight AI171, which crashed shortly after takeoff from Ahmedabad early Thursday morning, has reportedly crashed into the hostel mess of BJ Medical College, one of Gujarat’s largest government-run medical institutions.
Initial reports from the scene indicate that… pic.twitter.com/jSyU8Afpw8
— Madhuri Adnal (@madhuriadnal) June 12, 2025
احمد آباد کے قلب میں واقع بی جے میڈیکل کالج ایک اعلیٰ طبی تعلیمی ادارہ ہے۔ اس کے ہاسٹل کی سہولیات میں سیکڑوں ایم بی بی ایس اور پوسٹ گریجویٹ طلباء کو رہائش فراہم کی جاتی ہے، جن میں سے اکثر کیمپس میں کل وقتی طور پر رہائش پذیر ہیں۔ ہاسٹل میس میں ہوئے حادثے کو طلباء اور فیکلٹی نے ’’ناقابل تصور‘‘ قرار دیا ہے۔
ایئر انڈیا کی پرواز AI171 کو کیا ہوا؟
ہوائی جہاز نے سردار ولبھ بھائی پٹیل انٹرنیشنل ایئرپورٹ (AMD) سے دوپہر 1:38 پر اڑان بھری تھی اور اسے لندن گیٹوک (LGW) میں لینڈ کرنا تھا۔ روانگی کے چند منٹوں میں ہی طیارہ اڈانی ہوائی اڈے کے قریب رہائشی ہاسٹل زون میں گر کر تباہ ہو گیا۔ ابتدائی نتائج کے مطابق طیارے میں 242 افراد سوار تھے۔ ڈائریکٹوریٹ جنرل آف سول ایوی ایشن (ڈی جی سی اے) کی جانب سے حادثے کی وجہ کی تحقیقات جاری ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
