شہری ہوا بازی کی وزارت نے جمعرات کو اعلان کیا کہ احمد آباد ہوائی اڈے پر پرواز کی کارروائیاں لندن جانے والے ایئر انڈیا کے طیارے کے اس کی حدود کے قریب ایک المناک حادثے کا شکار ہونے کے چند گھنٹوں بعد دوبارہ شروع ہو گئی ہیں۔ سوشل میڈیا پلیٹ فارم ’ایکس‘ پر ایک پوسٹ میں وزارت نے کہا کہ تمام فلائٹ سیفٹی پروٹوکول پر عمل کیا جا رہا ہے۔
شہری ہوابازی کی وزارت نے کہا کہ ’’احمد آباد ہوائی اڈہ اب 16:05 IST سے فلائٹ آپریشنز کے لیے دستیاب ہے۔ فلائٹ سیفٹی پروٹوکول پر انتہائی احتیاط کے ساتھ عمل کیا جا رہا ہے۔‘‘ ایئر انڈیا Al171 طیارہ رن وے 23 سے روانگی کے فوراً بعد ہوائی اڈے کی حدود سے باہر ایک میڈیکل کالج کے ہاسٹل پر گر گیا۔ وزیر اعظم نریندر مودی نے احمد آباد میں ہونے والے المناک واقعے پر گہرے دکھ کا اظہار کرتے ہوئے اسے ’’بیان سے باہر اور دل دہلا دینے والا‘‘ حادثہ قرار دیا۔ حادثے کی وجہ جاننے کےلیے تحقیقات جاری ہے اور بچاؤ کا کام بھی تیزی سے جاری ہے۔
The tragedy in Ahmedabad has stunned and saddened us. It is heartbreaking beyond words. In this sad hour, my thoughts are with everyone affected by it. Have been in touch with Ministers and authorities who are working to assist those affected.
— Narendra Modi (@narendramodi) June 12, 2025
سوشل میڈیا پلیٹ فارم ’ایکس‘ پر ایک پوسٹ میں پی ایم مودی نے اپنی تعزیت کا اظہار کیا اور متاثرہ افراد کو مدد کا یقین دلایا۔ وزیر اعظم نے کہا ’’احمد آباد سانحہ نے ہمیں دنگ اور غمزدہ کر دیا ہے۔ یہ بیان سے باہر اور دل دہلا دینے والا ہے۔ اس دکھ کی گھڑی میں میرے خیالات اس سے متاثر ہونے والے ہر فرد کے ساتھ ہیں۔ ان وزراء اور حکام سے رابطے میں ہوں جو متاثرین کی مدد کے لیے کام کر رہے ہیں۔‘‘
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
