لیفٹیننٹ گورنر ونے کمار سکسینا
نئی دہلی، 18 نومبر(بھارت ایکسپریس): دہلی میں ایل جی اور دہلی حکومت کے درمیان پھر سے کشمکش شروع ہو گئی ہے۔ دہلی کے ایل جی نے ڈی ڈی سی کے وائس چیئرمین جیسمین شاہ کو دستیاب تمام سرکاری خدمات اور سہولیات پر فوری اثر سے پابندی لگا دی ہے۔ شاہ کے دفتر کو فوری طور پر تالا لگانے کی ہدایات دی گئی ہیں۔ اس کے ساتھ ہی شاہ کو دی گئی سرکاری گاڑی اور عملہ بھی فوری واپس لینے کے احکامات دیے گئے ہیں۔ ڈائیلاگ اینڈ ڈیولپمنٹ کمیشن (DDC) دہلی حکومت کا ایک تھنک ٹینک ہے۔ شاہ اس ڈی ڈی سی کے وائس چیئرمین ہیں اور عام آدمی پارٹی کے لیڈر بھی ہیں۔
