احمد آباد: ملک کی نمایاں توانائی کمپنیوں میں سے ایک اڈانی ٹوٹل گیس لمیٹڈ (ATGL) نے مالی سال 2025-26 کی دوسری سہ ماہی میں 19 فیصد سالانہ اضافہ درج کرتے ہوئے اپنی آمدنی کو 1,569 کروڑ روپے تک پہنچا دیا ہے۔ اسی مدت میں کمپنی کی سی این جی (CNG) اور پی این جی (PNG) کی مجموعی کھپت میں 16 فیصد سالانہ اضافہ ریکارڈ کیا گیا۔
نئے اسٹیشنز اور کنکشنز میں تیزی سے اضافہ
مالی سال 26 کی دوسری سہ ماہی کے دوران کمپنی کے سی این جی اسٹیشنز کی تعداد بڑھ کر 662 تک پہنچ گئی، جبکہ پی این جی کنکشنز کی تعداد 10.20 لاکھ ہو گئی۔ اسی طرح انڈسٹریل اور کمرشیل کنکشنز کی تعداد بڑھ کر 9,603 ہو گئی ہے، جس میں صرف ستمبر سہ ماہی میں 147 نئے کنکشنز شامل کیے گئے۔
کارکردگی کا اعتراف: مالی استحکام کے ساتھ ترقی
اے ٹی جی ایل کے سی ای او اور ایگزیکٹیو ڈائریکٹر سریش پی منگلانی نے بتایا: ’’ٹیم اے ٹی جی ایل نے ایک بار پھر متاثر کن نتائج پیش کیے ہیں۔ 16 فیصد والیوم گروتھ، 20 فیصد آمدنی میں اضافہ (مالی سال کی پہلی ششماہی میں)، اور 603 کروڑ روپے کا ای بی آئی ڈی ٹی اے حاصل کیا ہے۔‘‘ انہوں نے مزید کہا کہ اگرچہ ڈالر کے مقابلے روپے میں 4 فیصد مہنگائی اور گیس لاگت میں اضافہ ہوا ہے، پھر بھی کمپنی نے کیلبریٹڈ پرائسنگ اسٹریٹجی اور اخراجاتی اصلاحات (Opex Optimization) کے ذریعے 302 کروڑ روپے کا ای بی آئی ٹی ڈی اے حاصل کیا ہے۔
گیس سورسنگ اور صارفین کے مفاد پر متوازن حکمت عملی
منگلانی نے مزید کہا: ’’ہم سی این جی سیکٹر میں APM گیس مختص کرنے کی بدلتی صورتحال پر گہری نظر رکھے ہوئے ہیں، تاہم ہمارا متنوع گیس سورسنگ پورٹ فولیو ہمیں ایک متوازن پرائسنگ اپروچ اختیار کرنے میں مدد دیتا ہے جس سے صارفین کے مفادات کا تحفظ ممکن ہوتا ہے۔‘‘
مالیاتی اداروں سے مثبت درجہ بندی
آئی سی آر اے (ICRA) نے اے ٹی جی ایل کی طویل مدتی کریڈٹ ریٹنگ کو ’AA+ (مستحکم)‘ میں اپ گریڈ کیا ہے، جبکہ کریسل (CRISIL) اور کیر (CARE) نے بھی کمپنی کو نئی ’AA+ (مستحکم)‘ ریٹنگ دی ہے۔ منگلانی کے مطابق: ’’یہ ریٹنگز اے ٹی جی ایل کے بڑھتے ہوئے کاروباری دائرے، مضبوط پیرینٹج، اچھی والیوم گروتھ، متوازن گیس سپلائی نیٹ ورک اور مضبوط مالیاتی بنیاد کے حوالے سے اداروں کے مثبت نظریے کی عکاسی کرتی ہیں۔‘‘
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
