اداکار پرکاش راج
Prakash RAJ On Chandrayaan-3: اداکار پرکاش راج ایک بار پھر تنازعات میں ہیں۔ انہوں نے انڈین مون مشن چندریان 3 کے حوالے سے قابل اعتراض تبصرہ کیا ہے۔ ان کے ریمارکس سے لوگوں کی ایک بڑی تعداد کو تکلیف پہنچی ہے اور وہ انہیں کھری کھوٹی سنا رہے ہیں۔ پرکاش راج نے اتوار کے روز ٹوئٹر پر ایک کارٹون شیئر کیا۔ اس میں لنگی پہنے ایک شخص چائے کو ہوا میں اچھال رہا ہے۔ اس تصویر کے نیچے کیپشن میں انہوں نے لکھا، ’’بریکنگ نیوز: چاند سے وکرم لینڈر کی بھیجی گئی پہلی تصویر ‘‘
Hate sees only Hate.. i was referring to a joke of #Armstrong times .. celebrating our kerala Chaiwala .. which Chaiwala did the TROLLS see ?? .. if you dont get a joke then the joke is on you .. GROW UP #justasking https://t.co/NFHkqJy532
— Prakash Raj (@prakashraaj) August 21, 2023
ایکس پر چھڑی بحث
ان کے اس ٹویٹ پر ہنگامہ کھڑا ہونا لازمی تھا۔ اداکار کے اس ٹویٹ پر سوشل میڈیا پر بحث چھڑ گئی۔ لوگوں نے اداکار پر چو طرفہ تنقید شروع کردی اور ان سے معافی مانگنے کو بھی کہا۔ لوگوں نے الزام لگایا کہ پرکاش راج نے چندریان 3 اور وکرم لینڈر کا مذاق اڑایا۔ کئی لوگوں نے اسے غدار بھی قرار دیا۔
نیٹیزنز نے اسرو کے سائنسدانوں کی محنت کا مذاق اڑانے پر تنقید کی اور کہا کہ وہ بی جے پی اور پی ایم مودی کے خلاف اندھی نفرت پالے بیٹھے ہیں۔ ایک صارف نے انہیں سیاسی اور قومی ٹرولنگ میں فرق بھی سکھایا۔ ایک صارف نے لکھا، ’’کسی سے نفرت کرنے اور اپنے ملک سے نفرت کرنے میں فرق ہوتا ہے۔ آپ کی حالت دیکھ کر میں بہت افسردہ ہوں۔
بھارت ایکسپریس۔
