سعودی عرب میں ایک دل خراش سڑک حادثے میں تلنگانہ سے تعلق رکھنے والے کم از کم 42 بھارتی عمرہ زائرین ہلاک ہوگئے ہیں۔ پیر کی علی الصبح مکہ سے مدینہ جانے والی ایک بس ڈیزل ٹینکر سے ٹکرا گئی، جس کے بعد بس میں خوفناک آگ بھڑک اٹھی۔ ابتدائی اطلاعات کے مطابق حادثہ صبح 1:30 بجے (IST) مفریحات کے قریب پیش آیا۔ اطلاعات میں بتایا گیا ہے کہ بس میں 43 مسافر سوار تھے جن میں صرف ایک زندہ بچنے کی تصدیق ہوئی ہے۔ قافلہ مبینہ طور پر حیدرآباد سے روانہ ہوا تھا اور ان میں 20 خواتین اور 11 بچے شامل تھے۔ تمام زائرین مکہ میں عمرہ کی ادائیگی مکمل کر کے مدینہ کی سمت روانہ ہوئے تھے۔
जेद्दा स्थित भारतीय महावाणिज्य दूतावास ने ट्वीट किया, “सऊदी अरब के मदीना के निकट भारतीय उमराह तीर्थयात्रियों के साथ हुई दुखद बस दुर्घटना के मद्देनजर, जेद्दा स्थित भारतीय महावाणिज्य दूतावास में 24×7 कंट्रोल रूम स्थापित किया गया है।” https://t.co/lyulAc8Rf9 pic.twitter.com/UgiElzn6Tu
— ANI_HindiNews (@AHindinews) November 17, 2025
کنٹرول روم قائم، اہل خانہ کیلئے ہیلپ لائن جاری
متعدد خاندان اپنے پیاروں کی خیریت جاننے کے لیے بے چین ہیں۔ اسی کے پیش نظر حکومتِ تلنگانہ نے سکریٹریٹ میں کنٹرول روم قائم کر دیا ہے۔ اہل خانہ ان نمبروں پر رابطہ کر سکتے ہیں:
📞 79979-59754
📞 99129-19545
تلنگانہ کے وزیراعلیٰ اے ریونت ریڈی نے حادثے پر گہرے دکھ کا اظہار کرتے ہوئے چیف سکریٹری کے رام کرشنا راؤ اور ڈی جی پی شیودھر ریڈی کو ہدایت دی کہ حادثے میں متاثرہ حیدرآباد اور دیگر اضلاع کے لوگوں کی مکمل تفصیلات جمع کی جائیں۔
حادثے کے مزید اہم نکات
مقامی سعودی میڈیا کے مطابق حادثے کے وقت کئی مسافر سو رہے تھے، جس کی وجہ سے آگ بھڑکنے کے بعد ان کے بچنے کے امکانات نہایت کم ہو گئے۔ گلف نیوز کی رپورٹ کے مطابق ہلاک ہونے والوں میں 11 خواتین اور 10 بچے شامل ہو سکتے ہیں، تاہم حتمی اعداد و شمار کی تصدیق جاری ہے۔
حکومت تلنگانہ اور بھارتی سفارت خانہ متحرک
تلنگانہ حکومت نے کہا ہے کہ وہ ریاض میں بھارتی سفارت خانے کے مسلسل رابطے میں ہے، جبکہ دہلی میں مقیم حکام کو بھی معاملے پر قریبی ہم آہنگی کی ہدایت جاری کر دی گئی ہے۔ ریذیڈنٹ کمشنر کو بھی ہدایت دی گئی ہے کہ وہ حادثے میں مرنے والوں کی شناخت اور تعداد سے متعلق مکمل معلومات اکٹھی کریں۔ سفارت خانے کی جانب سے بھی متاثرہ خاندانوں کی مدد کے لیے کنٹرول روم نمبرز جاری کیے گئے ہیں:
📞 7997959754 -91+
📞 9912919545 -91+
#WATCH | Delhi | On the bus accident in Saudi Arabia, Hyderabad MP Asaduddin Owaisi says, “…Forty-two Hajj pilgrims who were travelling from Mecca to Medina were on a bus that caught fire…I spoke to Abu Mathen George, Deputy Chief of Mission (DCM) at the Indian Embassy in… https://t.co/oiPCgAz4tZ pic.twitter.com/jTuf2kCZPf
— ANI (@ANI) November 17, 2025
اسدالدین اویسی کا ردعمل
حیدرآباد کے رکن پارلیمنٹ اسدالدین اویسی نے کہا کہ حادثے کے وقت بس میں 42 عمرہ زائرین موجود تھے جب اس میں آگ بھڑک اٹھی۔ انہوں نے بتایا کہ وہ ریاض میں بھارتی سفارت خانے کے ڈپٹی چیف آف مشن ابو ماتھن جارج سے مسلسل رابطے میں ہیں، جنہوں نے حادثے کی تفصیلات اکٹھی کرنے کی یقین دہانی کرائی ہے۔ رپورٹس کے مطابق حیدرآباد کی عمرہ ایجنسیوں کے تقریباً 16 زائرین بھی اس افسوسناک حادثے میں ہلاک ہونے والوں میں شامل ہیں۔ اویسی نے مرکزی حکومت سے اپیل کی ہے کہ جاں بحق افراد کی میتوں کو وطن واپس لانے کا بندوبست کیا جائے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
