جموں میں 10ویں اور 11ویں کے امتحانات ملتوی
سری نگر: جموں و کشمیر بورڈ آف اسکول ایجوکیشن نے ایک اہم فیصلہ لیتے ہوئے 10ویں اور 11ویں جماعت کے تمام امتحانات ملتوی کر دیے ہیں جو یکم ستمبر کو ہونے تھے۔ بورڈ نے اتوار کے روز یہ جانکاری دی اور کہا کہ امتحان کی نئی تاریخوں کا جلد ہی اعلان کیا جائے گا۔
جموں و کشمیر بورڈ آف اسکول ایجوکیشن کے دفتر نے سوشل میڈیا پلیٹ فارم ‘X’ پر لکھا، ’’یکم ستمبر کو ہونے والے 10ویں اور 11ویں جماعت کے تمام امتحانات ملتوی کر دیے گئے ہیں۔ نئی تاریخوں کی جانکاری الگ سے دی جائے گی۔‘‘
یہ فیصلہ ایسے وقت میں لیا گیا ہے جب جموں کے کئی علاقوں میں مسلسل موسلادھار بارش ہو رہی ہے جس سے معمولات زندگی متاثر ہو رہے ہیں۔ بارش کے باعث کئی علاقوں میں لینڈ سلائیڈ اور سڑکوں پر پانی جمع ہوگیا ہے۔
طلباء کی حفاظت اور سہولت کو مدنظر لیا گیا فیصلہ
ان قدرتی رکاوٹوں کی وجہ سے طلباء اور امتحانی مراکز پر تعینات عملہ کے لیے بحفاظت اور وقت پر پہنچنا مشکل ہو گیا ہے۔ بورڈ نے یہ فیصلہ طلباء کی حفاظت اور سہولت کو مدنظر رکھتے ہوئے کیا ہے۔
پہاڑی علاقوں میں سڑکوں کا رابطہ منقطع
مسلسل بارش نے پہاڑی علاقوں میں سڑکوں کا رابطہ منقطع کر دیا ہے جس کی وجہ سے نقل و حرکت تقریباً ٹھپ ہو کر رہ گئی ہے۔ کئی اسکولوں کے طلبہ کا امتحانی مرکز تک پہنچنا خطرے سے بھرا ہوسکتا تھا، جس کی وجہ سے بورڈ نے امتحانات ملتوی کرنے کا محتاط فیصلہ کیا۔ طلباء بورڈ کی ویب سائٹ اور آفیشل سوشل میڈیا اکاؤنٹس پر نظر رکھ سکتے ہیں، جہاں امتحان کی نئی تاریخوں کا اعلان جلد کیا جائے گا۔
ہوٹلوں اور دھرم شالوں کو خالی کرنے کا حکم
دوسری جانب جموں و کشمیر کے کٹرا میں حالیہ لینڈ سلائیڈ کے بعد انتظامیہ نے ہوٹلوں اور دھرم شالوں کو خالی کرنے کا حکم جاری کیا ہے۔ انتظامیہ نے لینڈ سلائیڈ کے خطرے کے پیش نظر کٹرا میں تجارتی اداروں کو خالی کرنے کا حکم دیا ہے۔ جموں و کشمیر کے سب ڈویژنل مجسٹریٹ کٹرا آفس نے اتوار کے روز یہ حکم جاری کیا ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
