پاکستان اور افغانستان کے درمیان منگل کے روز ایک بار پھر شدید فائرنگ کا تبادلہ ہوا۔ یہ جھڑپ خیبر پختونخوا کے کُرم ضلع میں پیش آئی، جہاں افغان طالبان اور پاکستانی فوجیوں کے درمیان زبردست حملے دیکھنے کو ملے۔ پاک-افغان کشیدگی پر پاکستانی نیوز چینل پی ٹی وی نے فوج کے حوالے سے رپورٹ دیتے ہوئے کہا کہ افغان طالبان اور فتنہ الخوارج نے کُرم ضلع میں بغیر کسی اشتعال کے فائرنگ کی، جس کا پاکستانی فوج نے موثر جواب دیا۔
#BREAKING: A perfect shot from Pakistani forces hit an Afghan Taliban tank position. pic.twitter.com/jJwE4u8RxH
— PakUrdu (@PakUrdu_) October 14, 2025
پھر بھڑک اٹھی آگ
چند روز قبل ہی پاکستانی فوج اور افغان طالبان کے درمیان ڈیورنڈ لائن پر خونریز تصادم ہوا تھا۔ یہ تصادم دو دن تک جاری رہا، جسے سعودی عرب اور قطر کی مداخلت سے ختم کروایا گیا۔ لیکن گزشتہ رات ایک بار پھر دونوں ممالک کی افواج آمنے سامنے آ گئیں۔ پاکستان کے وزیرِ دفاع خواجہ آصف نے بتایا ہے کہ سرحد پر حالات بدستور کشیدہ ہیں اور کسی بھی وقت دونوں ملکوں کے درمیان باقاعدہ جنگ چھڑ سکتی ہے۔
طالبان کی کئی چوکیاں تباہ ہونے کا دعویٰ
پاکستانی میڈیا نے ذرائع کے حوالے سے دعویٰ کیا ہے کہ پاکستانی فوج کے تازہ حملے میں طالبان کی کئی چوکیاں شدید نقصان کا شکار ہوئیں۔ کئی ٹینک تباہ کر دیے گئے اور متعدد طالبان کی پوسٹوں پر پاکستانی فوج نے قبضہ جما لیا۔ میڈیا رپورٹس کے مطابق ان حملوں کے بعد کئی طالبان پوسٹوں سے دھوئیں اور آگ کے شعلے اٹھتے ہوئے دیکھے گئے۔ ذرائع کے مطابق پاکستانی فوج کی اس کارروائی میں طالبان کا ایک اہم ٹینک تباہ ہو گیا، جس کے بعد کئی طالبان جنگجو اپنی چوکیاں چھوڑ کر فرار ہو گئے۔
افغان ہینڈلز نے کیا مختلف دعویٰ
دوسری جانب افغانستان سے منسلک سوشل میڈیا ہینڈلز کچھ اور ہی دعویٰ کر رہے ہیں۔ ’’وار گلوب نیوز‘‘ کے مطابق، افغان طالبان کے سوشل میڈیا اکاؤنٹس سے ایک ویڈیو شیئر کی گئی ہے، جس میں طالبان کے ایک ڈرون کو خیبر پختونخوا کے سرحدی علاقوں میں پاکستان کے کسی فوجی اڈے پر بمباری کرتے ہوئے دکھایا گیا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
