بنگلہ دیش کی سابق وزیر اعظم شیخ حسینہ کے خلاف بنگلہ دیش نے انٹرپول کی مدد مانگی ہے۔ بنگلہ دیش پولیس کے قومی سینٹرل بیورو (این سی بی) نے سابق وزیر اعظم شیخ حسینہ سمیت 12 لوگوں کے خلاف ریڈ کارنر نوٹس جاری کرنے کی انٹر پول سے گزارش کی ہے۔ میڈیا میں ہفتہ کو یہ اطلاع دی گئی۔
بنگلہ دیشی پولیس نے حال ہی میں شیخ حسینہ اور 72 دیگر کے خلاف خانہ جنگی بھڑکانے اور محمد یونس کی قیادت والی عبوری انتظامیہ کو ہٹانے کی سازش کرنے کے الزام میں معاملہ درج کیا ہے۔ پولیس ہیڈ کوارٹر میں اسسٹنٹ انسپکٹر جنرل (میڈیا) انعام الحق ساگر نے ہفتہ کو انٹر پول کے سامنے گزارش بھیجنے کی تصدیق کی۔
انعام الحق نے کہا کہ این سی بی عدالتوں، سرکاری وکیلوں اور جانچ ایجنسیوں سے ملی اپیلوں کی بنیاد پر انٹرپول سے ایسی گزارش کرتی ہے۔ یہ درخواست ان الزامات کے سلسلے میں داخل کی جاتی ہے جو جانچ کے دوران یا چل رہے مقدمے کی کارروائی کے توسط سے سامنے آتے ہیں۔ انہوں نے یہ بھی کہا کہ بیرون ملک میں رہنے والے بھگوڑوں کے ٹھکانوں کی پہچان کرنے میں انٹرپول اہم کردار ادا کرتا ہے۔ ایک بار جب کسی فرار شخص کے ٹھکانے کی تصدیق ہو جاتی ہے تو وہ اطلاع انٹر پول کو بھیج دی جاتی ہے۔ انہوں نے کہا کہ ریڈ کارنر نوٹس کے لیے گزارش ابھی عمل میں ہے۔
واضح رہے کہ بنگلہ دیش میں گزشتہ سال طلبا کی قیادت میں بڑے پیمانے پر ہوئے مظاہرہ کے بعد عوامی لیگ کی حکومت بے دخل ہو گئی تھی اور 77 سالہ شیخ حسینہ نے ہندوستان کی پناہ لے لی تھی۔ بین الاقوامی جرائم ٹربیونل کے چیف پراسیکیوٹر دفتر نے گزشتہ سال نومبر میں پولیس ہیڈ کوارٹر سے باضابطہ درخواست کی تھی کہ حسینہ اور دیگر مفرور سمجھے جانے والے افراد کی گرفتاری کے لیے انٹرپول سے مدد طلب کی جائے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
