نئی دہلی: کینیڈا کے صوبے برٹش کولمبیا میں ایک اسکول کے اندر ہونے والی اندھا دھند فائرنگ کے واقعے نے پورے ملک کو ہلا کر رکھ دیا ہے۔ اس المناک واقعے میں حملہ آور سمیت کم از کم 10 افراد ہلاک ہو گئے، جب کہ کئی دیگر زخمی بتائے جا رہے ہیں۔ پولیس نے واقعے کی تصدیق کرتے ہوئے بتایا ہے کہ زخمیوں کو فوری طبی امداد کے بعد اسپتال منتقل کیا گیا، جہاں ان کا علاج جاری ہے۔مقامی میڈیا رپورٹس کے مطابق یہ واقعہ منگل کے روز مقامی وقت کے مطابق ٹمبلر رج سیکنڈری اسکول میں پیش آیا۔ رائل کینیڈین ماؤنٹڈ پولیس کے مطابق ہائی اسکول کے اندر6 افراد کی لاشیں برآمد ہوئیں۔ ایک اور شخص کو شدید زخمی حالت میں اسپتال لے جایا جا رہا تھا، راستے میں ہی اس کی موت ہو گئی۔ پولیس نے یہ بھی بتایا کہ مشتبہ حملہ آور بھی موقع پر مردہ پایا گیا، حملہ اور کی موت خود کو پہنچائی گئی چوٹ کے باعث ہوئی۔ یہ معلومات کینیڈا کے معروف میڈیا ادارے سی بی سی نے نشر کی ہیں۔
❗️⚠️🇨🇦 – A tragic mass shooting occurred on February 10, 2026, at Tumbler Ridge Secondary School in the small town of Tumbler Ridge, northeastern British Columbia, Canada.
According to the latest updates from the Royal Canadian Mounted Police (RCMP) and multiple reliable news… pic.twitter.com/2QW3p4JWYa
— 🔥🗞The Informant (@theinformant_x) February 11, 2026
پولیس نے مزید انکشاف کیا کہ ایک رہائشی مکان سے بھی دو افراد کی لاشیں ملی ہیں، جن کا تعلق اسی فائرنگ کے واقعے سے جوڑا جا رہا ہے۔ حکام کے مطابق واقعے کے بعد علاقے میں سیکیورٹی سخت کر دی گئی تھی، تاہم اب ایکٹو شوٹر الرٹ ہٹا لیا گیا ہے، اگرچہ تفتیش کا عمل بدستور جاری ہے۔ اس واقعے پر مقامی ایم ایل اے لیری نیوفیلڈ نے گہرے دکھ اورافسوس کا اظہارکیا ہے۔ انہوں نے سوشل میڈیا پلیٹ فارم ایکس پر جاری بیان میں کہا کہ وہ ٹمبلر رج سیکنڈری اسکول میں پیش آنے والے اس نہایت افسوسناک اور تشویشناک واقعے کے بعد صورتحال پرگہری نظررکھے ہوئے ہیں۔ انہوں نے تصدیق کی کہ پولیس کے مطابق کئی افراد اپنی جانیں گنوا چکے ہیں۔
Our hearts are in Tumbler Ridge tonight with the families of those who have lost loved ones.
Government will ensure every possible support for community members in the coming days, as we all try to come to terms with this unimaginable tragedy. https://t.co/nr0a6bjEyA
— David Eby (@Dave_Eby) February 11, 2026
لیری نیوفیلڈ نے فرسٹ ریسپانڈرز، اسکول اسٹاف اور مقامی انتظامیہ کی فوری اور پیشہ ورانہ کارروائی کو سراہتے ہوئے کہا کہ اس مشکل وقت میں ان کا کردار قابلِ تعریف ہے۔ انہوں نے کہا کہ ان کی دعائیں متاثرہ طلبہ، ان کے اہل خانہ، اساتذہ اور پوری ٹمبلر رج کمیونٹی کے ساتھ ہیں، کیونکہ یہ ایک چھوٹا اور قریبی طور پر جڑا ہوا شہر ہے جہاں اس سانحے کا اثر ہر فرد محسوس کر رہا ہے۔انہوں نے عوام سے اپیل کی کہ متاثرین کے احترام میں پولیس کو مکمل تحقیقات اور معلومات کی تصدیق کے لیے مناسب وقت دیا جائے۔ پولیس نے واضح کیا ہے کہ فائرنگ کے محرکات کی تفتیش جاری ہے اور مشتبہ شخص کے بارے میں فی الحال کوئی اضافی تفصیلات جاری نہیں کی گئی ہیں۔ مزید معلومات کا انتظار کیا جا رہا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
