لاہور: پاکستان کے صوبہ پنجاب میں ہفتہ کے روز ایک منی ٹرک سڑک سے پھسل کر گڑھے میں گرنے سے اس میں سفر کرنے والے 5 بچوں سمیت ایک ہی خاندان کے 13 افراد کی موت ہو گئی۔ جبکہ نو دیگر زخمی ہوئے۔ ریسکیو آپریشن میں مصروف اہلکاروں نے یہ جانکاری دی۔
ریسکیو 1122 کے مطابق یہ منی ٹرک صوبہ خیبر پختونخواہ کے ضلع بنوں سے پنجاب کے ضلع خوشاب کی طرف آرہا تھا کہ یہ حادثہ پیش آیا۔ لاہور سے 250 کلومیٹر دور خوشاب کے علاقے پینچ پیر میں ایک موڑ پر منی ٹرک سڑک سے پھسل کر گڑھے میں جا گرا۔
ایک اہلکار نے بتایا، ’’پانچ بچوں سمیت 13 افراد موقع پر ہی ہلاک ہوگئے‘‘۔ نو زخمیوں کو اسپتال لے جایا گیا ہے جہاں ان کی حالت تشویشناک بتائی جا رہی ہے۔ کچھ عینی شاہدین کے مطابق منی ٹرک کا ڈرائیور تیز رفتاری کے باعث کنٹرول کھو بیٹھا جس کی وجہ سے یہ حادثہ پیش آیا۔
وزیراعلیٰ پنجاب مریم نواز نے حادثے میں قیمتی جانوں کے ضائع ہونے پر دکھ کا اظہار کرتے ہوئے حکام کو زخمیوں کو علاج کی بہتر سہولیات فراہم کرنے کی ہدایت کی ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
