ہولی پارٹی میں جاوید اختر اور شبانہ اعظمی نے ایک دوسرے کو لگایا رنگ ، بالی ووڈ سلیبس نے کیا انجوائے
جاوید اختر اور شبانہ اعظمی ہر سال ہولی پارٹی کی میزبانی کرتے ہیں۔ ان کی ہولی پارٹی بہت شاندار ہوتی ہے۔ بالی ووڈ انڈسٹری کےستاروں نے ہولی کا تہوار بڑے دھوم دھام سے منایا۔ کئی سالوں کے بعد جاوید اختر اور شبانہ اعظمی کے گھر جانکی کٹیر میں ایک بار پھر ہولی پارٹی کا اہتمام کیا گیا۔ اس پارٹی میں بی ٹاؤن کے کئی ستاروں نے شرکت کی جہاں عبیر گلال اڑاتے ہوئے کئی ساتھ مشہور شخصیات نے ایک دوسرے پر واٹر گنز سے بھی رنگ پھینکے۔جاوید اختر اور شبانہ اعظمی کے گھر منعقدہ ہولی پارٹی کی کئی تصاویر سوشل میڈیا پر تیزی سے وائرل ہو رہی ہیں۔ پارٹی میں رنگوں کا تہوار منانے کے لیے آنے والے مہمانوں نے اپنے اپنے سوشل میڈیا ہینڈلز پر ہولی کی تقریبات کی تصاویر بھی شیئر کی ہیں۔
فرحان اختر اور شیبانی نے بھی جم کر کھیلی ہولی
جاوید اختر کی بہو اور فرحان اختر کی اہلیہ شیبانی ڈانڈیکر نے بھی خوب انجوائے کیا ہے ۔جس کی تصاویر انہوں نے اپنے انسٹاگرام پر پوسٹ کی ہیں۔ سفیدفراک پہنے ہوئے، شیبانی کو فرحان اور ان کی بہن انوشے ڈانڈیکر کے ساتھ ہولی کھیلتے ہوئے دیکھا گیا۔
روینہ ٹنڈن راشا تھڈانی کے ساتھ پہنچیں
اداکارہ روینہ ٹنڈن اپنی بیٹی راشا تھڈانی کے ساتھ ہولی منانے جاوید اختر کے گھر پہنچی تھیں۔ اس دوران ماں بیٹی رنگوں میں بھیگتی نظر آئیں۔
دیویا دتہ نے دکھائی پارٹی کی جھلک
دیویا دتہ بھی ہولی کھیلنے جاوید اختر اور شبانہ اعظمی کے گھر پارٹی میں پہنچیں۔ اس دوران اس نے جاوید، شبانہ اور دیگر لوگوں کے ساتھ ہولی کھیلی جو پارٹی میں شرکت کے لیے آئے تھے۔ اداکارہ نے اپنے انسٹاگرام پر پارٹی کی جھلکیاں بھی دکھائیں۔ اداکارہ دیا مرزا بھی ہولی پارٹی میں سفید رنگ کے لک میں نظر آئیں۔ وہ اپنے بیٹے کے ساتھ ہولی پارٹی میں نظر آئیں۔
ورک فرنٹ کی اگر بات کریں تو
شبانہ اعظمی کی پچھلی فلم کرن جوہر کی ‘راکی اور رانی کی پریم کہانی’ تھی۔ اس میں وہ دھرمیندر کے مقابل تھیں۔ دونوں کی کیمسٹری پر بحث ہوئی۔ جاوید اختر کی آنے والی فلم ‘لاہور 1947’ ہے۔ جس میں لکرس ان کے ہوں گے۔ فلم کی ہدایت کاری راجکمار سنتوشی کررہے ہیں۔ اس میں مرکزی اداکار سنی دیول اور پریتی زنٹا ہیں۔
بھارت ایکسپریس
