اتنی لمبی مدت تک کنگنا رانوت کو ایس پی جی کی وائی پلس جیسی اہم سیکورٹی فراہم کرنے کے معاملے پر سینئر بی جے پی رہنمااور وکیل سبرامنیم سوامی کافی ناراض ہیں ۔اور یہ ناراضگی تب انہوں نے ظاہر کی ہے جب ایک بار پھر سے کنگا انہوں نے اپنی اس ناراضگی کا اظہار آج ایکس(ٹوئیٹر) پر کیا ہے ۔ جس کے بعد کنگنا رنوات نے بھی سبرامنیم سوامی کو ایکس پر ہی جواب دیا ہے۔ حالانکہ سبرامنیم سوامی نے سیدھے طور پر کنگنا کانام نہیں لیا ہے لیکن اداکارہ کہہ کر ایس پی جی اور حکومت کو نشانہ بنایا ہے ۔ چونکہ پورے بالی ووڈ میں واحد کنگنا رانوت ہی واحد اداکارہ ہیں جنہیں ایس پی جی کی وائی پلس سیکورٹی فراہم کی گئی ہے۔ اس پورے معاملے پر اشاروں ہی اشاروں میں بی جے پی رہنما سبرامنیم سوامی نے ایکس پر لکھا ہے کہ ”ایس پی جی جانتی ہے، اور اس نے اس کی نقل و حرکت کا رجسٹر رکھا ہے۔ میں حیران ہوں کہ کیا بالی وڈ اسٹارز کو ٹریک کرنے کے علاوہ ایس پی جی کے پاس کوئی کام نہیں ہے۔ اس کے معاملے میں، ایک خصوصی ڈسپنسیشن پر اسے اعلیٰ سطح کی سیکیورٹی فراہم کی گئی ہے۔
The SPG knows, and has kept a register of her movements. I wonder why since it is no business of SPG to track Bollywood stars. In her case, on a special dispensation she has a high level of security provided.
— Subramanian Swamy (@Swamy39) July 29, 2023
سبرامنیم سوامی کے اس تبصرے کا جواب دیتے ہوئے کنگنا رنوات نے ایکس کیا ہے اور لکھا ہے کہ میں صرف بالی ووڈ کی اسٹار نہیں ہوں ، میں بہت زیادہ بے باک اورمحتاط شہری بھی ہوں ۔ میں مہاراشٹر میں سیاسی حاسدین کی نشانے پر بھی رہی ہوں ،تاکہ نیشنلسٹ وہاں حکومت قائم کرسکے۔ میں نے ٹکرےٹکرے گینگ پر بھی بات کی ہے اور پرزور انداز میں خالصتانی گروپ کی مذمت بھی ہے۔ میں ایک فلم میکر بھی ہوں ،رائیٹر اور پروڈیوسر بھی ہوں ۔
I am not just a Bollywood star sir, I am also a very vocal and concerned citizen, I was the target of political malice in Maharashtra, at my expense nationalists could make a government here.
I also spoke about tukde gang and strongly condemned Khalistani groups.
I am also a… https://t.co/CXbcQPNysb— Kangana Ranaut (@KanganaTeam) July 30, 2023
کنگنا رنوات اپنی پروڈکشن کے نئے پروجیکٹ آپریشن بلو اسٹار کا ذکر کرتے ہوئے آگے لکھتی ہیں کہ میزی زندگی کو واضح طور پر خطرہ لاحق ہے ،اس لئے میں نے ایس پی جی سیکورٹی کی توسیع کی درخواست کی تھی ۔ ایسا کرنا کیسے غلط ہے؟ کنگنا اور سوامی کے بیچ یہ تکرار کہاں تک جائے گی اور کہاں ختم ہوگی ،کچھ کہنا مشکل ہے ،لیکن کنگنا کو اتنے دنوں تک اتنی بھاری سیکورٹی دینا اب بالی ووڈ کو بھی غیرضروری لگنے لگا ہے ۔لیکن اس پر کھل کر بولنے کیلئے کوئی تیار نہیں ہے۔
بھارت ایکسپریس۔
