شیزان خان نے تنیشا شرما خود کشی معاملے میں حیران کن انکشاف کئے ہیں۔
Sheezan Khan On Tunisha Sharma Case: تنیشا شرما کی خود کشی نے سبھی کو حیران کردیا۔ اداکارہ نے جب اب شو کے سیٹ پرپھانسی کے پھندے پرلٹک کراپنی جان دی تو سبھی کے پیروں تلے زمین کھسک گئی تھی۔ نہ صرف اداکارہ کی فیملی کو اس خبرسے صدمہ لگا تھا بلکہ ان کے فینس بھی حیران رہ گئے تھے۔ ساتھ ہی اداکارہ کے بوائے فرینڈ شیزان خان کی زندگی بھی اس حادثے کے بعد پوری طرح سے بدل گئی ہے۔ جیل سے رہا ہونے کے بعد آج بھی وہ اسی کیس میں الجھے ہوئے ہیں، لیکن اب شیزان خان نے تنیشا شرما خود کشی معاملے میں کئی انکشاف کئے ہیں۔
اداکار نے حال ہی میں دیئے ایک انٹرویو میں ریویل کیا ہے کہ تنیشا کی سائیڈ سے کوئی بھی شخص سماعت میں شامل ہونے نہیں آتا ہے۔ اداکار کا دعویٰ ہے کہ وہ خود سے ہرسماعت میں شامل ہوتے ہیں، لیکن ان کی طرف سے کوئی بھی عدالت نہیں پہنچتا۔ پھر بھی وہ ہرسماعت کا حصہ بنتے ہیں۔ کبھی کبھی تو ان کے وکیل تک عدالت نہیں پہنچتے اور اداکار 4 سے 5 بجے تک اپنا پورا دن ہائی کورٹ میں ہی گزار دیتے ہیں، جیسے سامنے والے انٹرسٹیڈ ہی نہ ہوں۔ شیزان خان کا کہنا ہے کہ اب تنیشا شرما کی فیملی کے لئے سچ کی لڑائی بے حد پھیکی پڑگئی ہے۔
اداکار سے دستخط کرائے گئے
اتنا ہی نہیں اداکارنے اس انٹرویو کے دوران ایک اورحیران کن انکشاف کیا ہے۔ انہوں نے اب میڈیا کے سامنے ریویل کیا ہے کہ ان سے کچھ پیپرس پردستخط لئے گئے، جس کی وجہ سے وہ اب تنیشا شرما کے بارے میں کچھ بھی نہیں لکھ سکتے۔ اسی وجہ سے شیزان خان نے تنیشا کی برسی پرکچھ بھی نہیں لکھا تھا۔ ان کاغذوں پران کے دستخط لینے کا مقصد یہ تھا کہ سامنے والی پارٹی کو ایسا لگتا تھا کہ شیزان خان ہمدردی اور فیم حاصل کرنا چاہتے ہیں، جس کی وجہ سے انہوں نے اداکار سے پیپرس سائن کروائے اور اب وہ نہ تو تنیشا شرما کا نام لے سکتے ہیں اور نہ ہی ان کی کوئی تصویر شیئر کرسکتے ہیں۔
View this post on Instagram
عام زندگی جینے کے لئے ترس گئے اداکار
واضح رہے کہ اس سے پہلے شیزان خان شاعری کے ذریعہ اپنی کواسٹارکو یاد کرتے تھے۔ اب انہوں نے بتایا ہے کہ اس حادثے کے بعد ان کی اوران کی فیملی کی زندگی پوری طرح سے پلٹ گئی ہے۔ ان کو اب ایسا محسوس کروایا جاتا ہے کہ وہ خوشیاں نہیں مناسکتے اور ان کے پاس یہ سب کرنے کا حق ہی نہیں ہے۔ وہ سوشل میڈیا پربھی کسی سیلبریشن کا پوسٹ شیئر نہیں کرسکتے جبکہ سامنے والے اپنے کتے تک کا برتھ ڈے سیلبریٹ کر رہے ہیں۔ شیزان خان کو ایسا لگنے لگا ہے جیسے ان سے اوران کی فیملی سے ایک عام زندگی (نارمل لائف) جینے کا حق چھین لیا گیا ہے۔
بھارت ایکسپریس۔
