نئی دہلی :اپنی منفرد آواز سے ہندی فلمی موسیقی میں الگ مقام بنانے والی معروف گلوکارہ آشا بھوسلے کا اتوار کو انتقال ہوگیا۔ وہ 92 برس کی تھیں۔ آشا بھوسلے کو ہفتہ کی شام سینے میں انفیکشن اور کمزوری کے باعث بريچ کینڈی اسپتال میں داخل کرایا گیا تھا۔آشا بھوسلے کی آخری رسومات پیر کو ادا کی جائیں گی۔ لوگ صبح 11 بجے لوئر پریل میں واقع کاسا گرانڈے میں ان کے آخری دیدار کر سکیں گے، جہاں وہ رہائش پذیر تھیں۔ ان کی آخری رسومات شام چار بجے شیواجی پارک میں ادا کی جائیں گی۔آشا بھوسلے نے 16 برس کی عمر میں 1949 میں گنپت راو بھوسلے سے شادی کی تھی۔ بعد ازاں انہوں نے اپنے ساتھی اور معروف موسیقار آر ڈی برمن سے شادی کی۔ ان کے خاندان میں بیٹا آنند اور پوتے پوتیاں شامل ہیں۔8 ستمبر 1935 کو سانگلی میں پیدا ہونے والی آشا بھوسلے کو ان کے والد دیناناتھ منگیشکر نے موسیقی کی تعلیم دی۔ متعدد اعزازات سے نوازے جانے کے علاوہ آشا بھوسلے ایک کامیاب کاروباری شخصیت بھی تھیں۔ انہوں نے دبئی اور برطانیہ میں “آشا” کے نام سے مشہور ریستوران بھی چلائے۔ انہیں دادا صاحب پھالکے ایوارڈ، پدم وبھوشن، قومی ایوارڈ سمیت کئی بڑے اعزازات سے نوازا گیا۔
آشا بھوسلے کے مقبول گانوں میں “ابھی نہ جاؤ چھوڑ کر”، “ان آنکھوں کی مستی”، “دل چیز کیا ہے”، “پیا تو اب تو آجا”، “دنیا میں لوگوں کو” اور “ذرا سا جھوم لوں میں” شامل ہیں۔ انہوں نے میینا کماری، مدھوبالا، زینت امان، کاجول اور ارمیلا ماتونڈکر سمیت کئی اداکاراؤں کو اپنی آواز دی۔سات دہائیوں سے زیادہ طویل کیریئر میں آشا بھوسلے نے 12 ہزار سے زائد گانے ریکارڈ کیے اور کئی بھارتی و غیر ملکی زبانوں میں اپنی آواز کا جادو بکھیر دیا۔
نیل نتن مکیش والد کے ساتھ پہنچے
نیل نتن مکیش اپنے والد نتن مکیش کے ساتھ آشا بھوسلے کے گھر خراج عقیدت پیش کرنے پہنچے اور اہل خانہ سے ملاقات کی۔
دیویندر فڈنویس نے آخری دیدار کیے
مہاراشٹر کے وزیر اعلیٰ دیویندر فڈنویس بھی آشا بھوسلے کے آخری دیدار کے لیے پہنچے اور ہاتھ جوڑ کر انہیں آخری وداع دی۔
جاوید اختر کا اظہارِ افسوس
#WATCH | Maharashtra: Music icon AR Rahman arrives at the residence of legendary singer Asha Bhosle in Mumbai to pay his last respects.
She passed away at the age of 92 yesterday at Breach Candy Hospital in Mumbai. pic.twitter.com/QgBoqUbB9S
— ANI (@ANI) April 13, 2026
معروف شاعر و نغمہ نگار جاوید اختر نے ایکس پر لکھا کہ آشا جی ہمارے درمیان نہیں رہیں، لیکن وہ موسیقی کا ایک عظیم خزانہ چھوڑ گئیں۔ انہوں نے کہا کہ جب تک محبت، رومان اور زندگی کا جذبہ باقی رہے گا، آشا جی کے گیت ہمیں زندہ محسوس کراتے رہیں گے۔
شتروگھن سنہا کی خراج عقیدت
#WATCH | Maharashtra: Cricket legend Sachin Tendulkar and his wife Anjali Tendulkar pay their last respects to legendary singer Asha Bhosle at her residence in Mumbai.
Asha Bhosle passed away at the age of 92 yesterday at Breach Candy Hospital in Mumbai. pic.twitter.com/piD3SCnTFY
— ANI (@ANI) April 13, 2026
اداکار و سیاستدان شتروگھن سنہا نے کہا کہ ایک عہد ختم ہوگیا ہے جس کی تلافی ممکن نہیں۔ انہوں نے کہا کہ آشا بھوسلے کی آواز ہمیشہ لوگوں کے دلوں میں زندہ رہے گی۔ اس دوران سچن ٹنڈولکر سمیت کئی معروف شخصیات نے بھی نم آنکھوں کے ساتھ آشا بھوسلے کو خراج عقیدت پیش کیا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
