فین مرڈر کیس
بنگلورو: 24 ویں ایڈیشنل سٹی میٹروپولیٹن مجسٹریٹ (ACMM) عدالت نے سنیچر کے روز کنڑ سپر اسٹار درشن اور اس کے تین ساتھیوں کو رینوکا سوامی قتل کیس میں 4 جولائی تک عدالتی تحویل میں بھیج دیا۔
سنیچر کے روز پولیس حراست ختم ہونے کے بعد درشن اور اس کے تین ساتھیوں کو عدالت میں پیش کیا گیا، جہاں سے انہیں 4 جولائی تک عدالتی حراست میں بھیج دیا گیا۔
درشن کے شریک ملزمان دھنراج ڈی عرف راجو، ونے وی اور پردوش ہیں۔ استغاثہ نے عدالت کو بتایا کہ ملزمان کو ساتھ نہ رکھا جائے۔ انہیں مختلف جیلوں میں بھیجا جائے۔
درشن کے وکیل نے اس پر اعتراض کیا۔ جس کے بعد عدالت نے کیس کی سماعت 24 جون تک ملتوی کر دی۔ درشن اور اس کے تین ساتھیوں کو بنگلورو سنٹرل جیل بھیجا جائے گا۔
عدالت نے پہلے درشن کے دوست پوترا گوڑا سمیت 13 ملزمین کو عدالتی حراست میں بھیج دیا تھا۔ وہ فی الحال بنگلورو کے پرپنا اگرہارا کی سنٹرل جیل میں بند ہے۔
پولیس نے درشن اور دیگر کے خلاف آئی پی سی کی دفعہ 302، 201، 120 بی، 364، 355، 384، 143، 147، 148 اور 149 کے تحت الزامات درج کیے ہیں۔
تحقیقات سے پتہ چلا کہ رینوکا سوامی درشن کی بہت بڑا فین تھا۔ اس نے مبینہ طور پر پوترا گوڑا کو سوشل میڈیا پر توہین آمیز پیغامات بھیجے تھے۔
رینوکا سوامی کو مبینہ طور پر اغوا کر کے بنگلورو لایا گیا تھا۔ یہاں اسے ایک شیڈ میں رکھا گیا اور قتل کر دیا گیا۔ درشن، پوترا گوڑا اور 15 دیگر کو رینوکا سوامی کے قتل کے الزام میں گرفتار کیا گیا ہے۔
بھارت ایکسپریس۔
