لوک سبھا انتخابات (2024) کے پیش نظر، بی جے پی نے ایک نیا گانا جاری کیا ہے۔ اس ویڈیو میں ملک کے کونے کونے سے، مختلف پس منظر سے تعلق رکھنے والے اور ہر زبان بولنے والے لوگ ایک ہی بات کہہ رہے ہیں – “سپنے نہیں حقیقت بنتے ہیں، تبھی تو سب مودی کو چنتے ہیں۔” یہ گانا 12 مختلف زبانوں میں گایا گیا ہے جس میں قوم کے تنوع میں اتحاد کا جذبہ دکھایا گیا ہے۔ اس ویڈیو میں مودی سرکار کی طرف سے کئے گئے ترقیاتی کام بھی دکھائے گئے ہیں۔
آپ کو بتاتے چلیں کہ تھیم سانگ “سپنے نہیں حقیقت بنتے ہیں، تبھی تو سب مودی کو چنتے ہیں ” کے حوالے سے بی جے پی نے کہا تھا کہ یہ نعرہ صرف عوام کی طرف سے آیا ہے۔ عوام کے جذبات کو سمجھتے ہوئے پارٹی نے یہ نعرہ اپنایا ہے۔ اس کے بارے میں بی جے پی صدر جے پی نڈا نے کہا تھا کہ پی ایم مودی کی دہائیوں کی طویل کوششوں کا ایک خوبصورت ویڈیو گانا، جو ان کی قیادت، کام کرنے کے انداز اور مسلسل کوششوں کو بہت متاثر کن انداز میں پیش کرتا ہے۔ اس طرح کی کوششیں کروڑوں ہندوستانیوں کے خوابوں کو حقیقت بنا رہی ہیں۔
From every corner of the nation, people from diverse backgrounds, speaking in every language are saying one thing in unison – our collective dreams have taken flight!
सपने नहीं हकीकत बुनते हैं, तभी तो सब मोदी को चुनते हैं। pic.twitter.com/kwz0lHPebv
— BJP (@BJP4India) April 10, 2024
آپ کو بتا دیں کہ لوک سبھا انتخابات سات مرحلوں میں ہوں گے۔ 543 نشستوں کے لیے 19 اپریل، 26 اپریل، 7 مئی، 13 مئی، 20 مئی، 25 مئی اور یکم جون کو ووٹنگ ہوگی اور ووٹوں کی گنتی 4 جون کو ہوگی۔ اس بار بی جے پی 400 سے زیادہ کے نعرے کے ساتھ آگے بڑھ رہی ہے۔ پی ایم مودی بی جے پی کے اسٹار پرچارکوں کے ساتھ پورے ملک کا دورہ کر رہے ہیں۔ پی ایم مودی اپنے ترقیاتی کاموں کو لے کر عوام کے درمیان جا رہے ہیں، لیکن اقتدار کا اونٹ کس طرف بیٹھے گا، یہ 4 جون کو ہی واضح ہو سکے گا۔
بھارت ایکسپریس۔
