مرکزی وزیر خزانہ نرملا سیتا رمن کے شوہر ماہر اقتصادیات پرکالا پربھاکر نے الیکٹورل بانڈ کے معاملے کے تعلق سے بڑا تبصرہ کیا ہے۔ انہوں نے دعویٰ کیا کہ یہ نہ صرف ملک کا سب سے بڑا گھوٹالہ ہے بلکہ دنیا کا سب سے بڑا گھوٹالہ ہے۔
نیوز چینل ‘رپورٹر ٹی وی’ سے بات چیت کے دوران انہوں نے کہا – مجھے لگتا ہے کہ الیکٹورل بانڈز کا معاملہ ایک بہت اہم مسئلہ بن جائے گا۔ بی جے پی کی لڑائی اپوزیشن پارٹیوں یا کسی دوسری پارٹی سے نہیں ہوگی بلکہ اس ایشو کی وجہ سے اصل لڑائی بی جے پی اور ہندوستان کے عوام کے درمیان ہوگی۔
مودی سرکار کو سخت سزا دی جائے گی۔
وزیر خزانہ کے شوہر نے صحافی سے مزید کہا، “مجھے لگتا ہے کہ انتخابی بانڈز سے متعلق معاملہ آ نے والے وقت میں زیادہ زور پکڑے گا، یہ تیزی سے عام لوگوں تک پہنچ رہا ہے۔ اب ہر کوئی آہستہ آہستہ سمجھ رہا ہے کہ یہ صرف ہندوستان کا ہی نہیں بلکہ دنیا کا سب سے بڑا گھوٹالہ ہے۔ ایسی صورتحال میں مجھے لگتا ہے کہ اس مسئلے کی وجہ سے اس حکومت کو ووٹروں کی طرف سے رد عمل کا اظہار کیا جائے گا ۔”
وزیر خزانہ کے شوہر پرکالا پربھاکر ایک معروف ماہر اقتصادیات ہیں۔ انہوں نے 2014 سے 2018 تک آندھرا پردیش حکومت میں خدمات انجام دیں، ساتھ ہی ساتھ مواصلاتی مشیر بھی رہے۔ پراکلا پربھاکر، 2 جنوری 1959 کو آندھرا پردیش کے مغربی گوداوری ضلع کے نرسا پورم میں پیدا ہوئے، انہوں نے سال 1991 میں لندن اسکول آف اکنامکس اینڈ پولیٹیکل سائنس سے تعلیم حاصل کی۔ اس کے علاوہ انہوں نے کچھ کتابیں بھی لکھی ہیں۔
بھارت ایکسپریس۔
