ٹیم انڈیا کی جیت پر اسرائیلی سفیر کا پاکستان پر طنز
Naor Gilon On Team India Victory: ہندوستان میں اسرائیلی سفیر ناؤر گلون (Naor Gilon) نے ہفتہ (14 اکتوبر) کے روز پاکستان کے خلاف ٹیم انڈیا کی جیت پر خوشی کا اظہار کیا ہے۔ اس دوران انہوں نے پاکستانی ٹیم کو بھی آڑے ہاتھوں لیا۔ سوشل میڈیا پلیٹ فارم ایکس پر پوسٹ کرتے ہوئے انہوں نے کہا کہ شکست کے بعد پاکستان اپنی فتح حماس کو وقف نہیں کر پایا۔
انہوں نے کہا کہ ہمیں خوشی ہے کہ کرکٹ ورلڈ کپ 23 میں کھیلے گئے پاک و ہند میچ میں ہندوستان نے کامیابی حاصل کی اور پاکستان اپنی جیت حماس کے دہشت گردوں کو وقف نہیں کر سکا، میچ کے دوران ہمارے بھارتی دوستوں نے پوسٹر دکھا کر اسرائیل کے ساتھ اپنی یکجہتی کا اظہار کیا۔ اس سے ہم انتہائی جذباتی ہیں۔
हमें खुशी है कि #CWC23 में #INDvPAK मैच में #भारत 🇮🇳 विजयी हुआ और पाकिस्तान अपनी जीत हमास के आतंकवादियों को समर्पित नहीं कर पाया।
हम हमारे भारतीय मित्रों द्वारा मैच के दौरान पोस्टर दिखाकर कर इज़राइल 🇮🇱 के साथ अपनी एकजुटता दिखाने से हम बेहद भाव विभोर हैं। 🙏
We are happy that… pic.twitter.com/fIDY4Ap7aJ
— Naor Gilon (@NaorGilon) October 14, 2023
اپنے پوسٹ میں انہوں نے ایک تصویر بھی شیئر کی ہے، جس میں ایک شخص کو پی ایم مودی اور اسرائیلی وزیر اعظم بنجمن نتن یاہو کی تصویروں والا پوسٹر تھامے دیکھا جا سکتا ہے۔ پوسٹر پر لکھا ہے کہ بھارت دہشت گردی کے خلاف جاری جنگ میں اسرائیل کے ساتھ کھڑا ہے۔
بھارت نے پاکستان کو دی شکست
گجرات کے احمد آباد کے نریندر مودی اسٹیڈیم میں کھیلے گئے ورلڈ کپ کے میچ میں بھارت نے پاکستان کو شکست دے دی۔ بھارت نے اسے یکطرفہ مقابلے میں 7 وکٹوں سے شکست دی۔ اس کے ساتھ ہی ٹیم انڈیا نے پاکستان کو ورلڈ کپ میں 8ویں بار شکست دی۔
محمد رضوان نے فلسطین کی کی تھی حمایت
اس سے قبل پاکستانی کرکٹر محمد رضوان نے سری لنکا کے خلاف پاکستان کی جیت فلسطینی شہریوں کے نام کی تھی۔ انہوں نے سوشل میڈیا پلیٹ فارم پر پوسٹ کیا کہ میں حیدرآباد کے لوگوں کا ان کی شاندار مہمان نوازی اور تعاون کے لیے بے حد مشکور ہوں۔
بھارت ایکسپریس۔
