وزیر اعظم نریندر مودی
جودھ پور: راجستھان میں اسمبلی انتخابات اب قریب آرہے ہیں۔ ریاست میں اقتدار پر قابض کانگریس کے گڑھ جودھپور میں وزیر اعظم نریندر مودی نے آج ہیریٹیج اسپیشل-مارواڑ اور رونیچا ایکسپریس-جیسلمیر ٹرینوں کو ہری جھنڈی دکھائی۔ اس کے ساتھ ہی ادے پور ضلع میں مارواڑ اور ماولی کے درمیان اس 89 سال پرانے نارو گیج ریلوے ٹریک پر آج ریاست کی پہلی ہیریٹیج ٹرین شروع ہوگئی ہے۔ آپ کو بتاتے چلیں کہ ریاست میں آنے والے سیاحوں کو اس ٹرین سے جنگلات اور پہاڑیوں کا دلکش نظارہ بھی دیکھنے کو ملے گا۔ اس کے ساتھ ہی پی ایم مودی نے راجستھان کو کئی پروجیکٹ بھی گفٹ کیے ہیں۔
راجستھان میں ہے قدیم ہندوستان کی شان و شوکت
اس دوران، جودھ پور میں اجلاس سے خطاب کرتے ہوئے، وزیر اعظم نریندر مودی نے کہا، “راجستھان وہ ریاست ہے جہاں قدیم ہندوستان کی شان دیکھی جاسکتی ہے، جس میں ہندوستان کی بہادری، خوشحالی اور ثقافت جھلکتی ہے۔ کچھ عرصہ قبل جودھ پور میں منعقدہ G20 اجلاس کی دنیا بھر کے مہمانوں نے تعریف کی تھی۔ پی ایم مودی نے مزید کہا کہ آج شروع ہونے والے ریل اور سڑک کے منصوبے ترقیاتی مہم کو مزید تقویت دیں گے۔ “یہ تمام منصوبے اس علاقے کی مقامی معیشت کو فروغ دیں گے اور روزگار کے نئے مواقع پیدا کریں گے۔”
پی ایم نریندر مودی نے کہا، “آج، جودھ پور، مارواڑ کے لوگوں کو ایک ساتھ کئی تحائف ملے۔ میں پہلے ہی دہلی سے ایک خاص تحفہ لے کر آیا ہوں۔ کل، بی جے پی حکومت نے فیصلہ کیا کہ اجولا یوجنا کے استفادہ کرنے والوں کو صرف 600 روپے میں گیس سلنڈر ملے گا۔”
#WATCH | Jodhpur, Rajasthan | PM Narendra Modi says, “Today, the people of Jodhpur, Marwar received several gifts simultaneously. I have already come prepared with a special gift right from Delhi. Yesterday, the BJP Govt decided that beneficiaries of Ujjwala Yojana will receive… pic.twitter.com/dfUcbRATLk
— ANI (@ANI) October 5, 2023
پی ایم مودی نے عوام کا کیا استقبال
پی ایم مودی کی اس میٹنگ میں کافی بھیڑ دیکھی گئی۔ وزیر اعظم نریندر مودی نے جودھ پور میں اپنے عوامی پروگرام کے لیے جمع ہونے والے لوگوں کا استقبال کیا۔
بھارت ایکسپریس۔
